സെൻസസ് ഉദ്യോഗസ്ഥർക്ക് ഇ.എം.ഇ.എയിൽ ആദരം

കോണ്ടോട്ടി: ലോക ജനസംഖ്യാ ദിനാചരണത്തിന്റെ ഭാഗമായി സെൻസസിന്റെ ഒന്നാംഘട്ട പ്രവർത്തനങ്ങൾ വിജയകരമായി പൂർത്തിയാക്കിയ സൂപ്പർവൈസർമാർക്കും എന്യൂമറേറ്റർമാർക്കും ഇ.എം.ഇ.എ സ്പീക്ക് ഈസി ക്ലബ്ബിന്റെ നേതൃത്വത്തിൽ ആദരം നൽകി.

സ്കൂൾ അങ്കണത്തിൽ നടന്ന ചടങ്ങിൽ സെൻസസ് ഡ്യൂട്ടി നിർവഹിക്കുന്ന അധ്യാപകരായ മുഹമ്മദ് റഫീഖ് പി.എം, അനസ് എം എന്നിവരെ സ്കൂൾ ഹെഡ്മിസ്ട്രസ് രോഹിണി കെ.എസ്, അമൽ ഇഖ്ബാൽ എന്നിവർ മധുരം നൽകി ആദരിച്ചു. കൃത്യതയോടെയും സമയബന്ധിതമായും സെൻസസ് പ്രവർത്തനങ്ങൾ പൂർത്തിയാക്കാൻ നേതൃത്വം നൽകുന്ന അധ്യാപകരെ ചടങ്ങിൽ അഭിനന്ദിച്ചു.

സ്പീക്ക് ഈസി കോർഡിനേറ്റർ കെ.എം. ഇസ്മായിൽ അധ്യക്ഷത വഹിച്ച ചടങ്ങിന് ക്ലബ് അംഗങ്ങൾ നേതൃത്വം നൽകി.