2028 മുതൽ ഡൽഹിയിൽ ഇലക്ട്രിക് ഇരുചക്ര വാഹനങ്ങൾ മാത്രം

ദേശീയ തലസ്ഥാനത്ത് വായു മലിനീകരണം കുറയ്ക്കുന്നതിനായി പരിസ്ഥിതി സൗഹൃദ വാഹനങ്ങളെ പ്രോത്സാഹിപ്പിക്കുന്ന ‘ഡൽഹി ഇവി നയം 2026’ ഡൽഹി സർക്കാർ ഔദ്യോഗികമായി പുറത്തിറക്കിയത് . ഇന്ത്യ കണ്ടിട്ടുള്ളതിൽ വച്ച് ഏറ്റവും ശക്തമായ വാഹന വൈദ്യുതീകരണ നയമാണിത്. 7,000 കോടി രൂപയുടെ ബജറ്റ് പിന്തുണയോടെ നടപ്പിലാക്കുന്ന ഈ പദ്ധതി പ്രകാരം, 2028 ഏപ്രിൽ 1 മുതൽ ഡൽഹിയിൽ പുതിയ പെട്രോൾ ഇരുചക്ര വാഹനങ്ങളുടെ രജിസ്ട്രേഷൻ പൂർണമായും നിരോധിചിരിക്കും. ഇതിനുശേഷം തലസ്ഥാനത്ത് രജിസ്റ്റർ ചെയ്യുന്ന ഇരുചക്ര വാഹനങ്ങൾ 100% വും ഇലക്ട്രിക് ആയിരിക്കണം. 2030 മാർച്ച് 31 വരെയാണ് ഈ നയത്തിന് പ്രാബല്യമുള്ളത്.

പുതിയ ഇവി നയത്തിലൂടെ ഉപഭോക്താക്കൾക്ക് വലിയ സാമ്പത്തിക ആനുകൂല്യങ്ങളാണ് സർക്കാർ പ്രഖ്യാപിച്ചിരിക്കുന്നു . 30 ലക്ഷം രൂപ വരെ വിലയുള്ള (എക്സ്-ഷോറൂം) ഇലക്ട്രിക് കാറുകൾക്ക് റോഡ് നികുതിയിലും രജിസ്ട്രേഷൻ ഫീസിലും 100% ഇളവ് ലഭിചിരിക്കും . ഇതിനുപുറമെ, ഇലക്ട്രിക് ഇരുചക്ര വാഹനങ്ങൾക്ക് 30,000 രൂപ വരെയും, ത്രീ-വീലറുകൾക്ക് 50,000 രൂപ വരെയും, എൻ-1 ട്രക്കുകൾക്ക് ഒരു ലക്ഷം രൂപ വരെയും നേരിട്ടുള്ള വാങ്ങൽ സബ്‌സിഡി (DBT) ലഭിക്കുന്നതാണ്.