പുതിയ സ്പൈഡർമാൻ ബ്രാൻഡ് ന്യൂ ഡേ ട്രെയിലർ ഇന്ന് വൈകുന്നേരം പുറത്തിറങ്ങുന്നു

ടോം ഹോളണ്ട് നായകനാകുന്ന 'സ്‌പൈഡർമാൻ: ബ്രാൻഡ് ന്യൂ ഡേ' (Spider-Man: Brand New Day) സിനിമയുടെ ഏറ്റവും പുതിയ രണ്ടാമത്തെ ട്രെയിലർ ഇന്ന് (17/06/2026) ഇന്ത്യൻ സമയം വൈകുന്നേരം 6:30-ന് പുറത്തിറങ്ങും. കൂടാതെ ചിത്രത്തിന്റെ അഡ്വാൻസ് ടിക്കറ്റ് ബുക്കിങ്ങും ഇന്ന് വൈകുന്നേരം 3:30 മുതൽ ഇന്ത്യയിൽ ആരംഭിക്കുകയാണ്.വിവിധ ടൈം സോണുകൾക്ക് അനുസരിച്ച് പുറത്തിറങ്ങുന്ന ട്രെയിലർ, സാംസങ്ങിന്റെ ഔദ്യോഗിക 'സ്പൈഡി ട്രാക്കർ' (Spidey Tracker) വെബ്‌സൈറ്റിനൊപ്പമാണ് ആഗോളതലത്തിൽ ലോഞ്ച് ചെയ്യുന്നത്.വിവരങ്ങൾ അനുസരിച്ച്, സ്പൈഡർമാനും മറ്റൊരു ശക്തിയുടെ മാനസിക നിയന്ത്രണത്തിലുള്ള ഹൾക്കും (Hulk) തമ്മിലുള്ള വമ്പൻ പോരാട്ടവും, 'ദി ഹാൻഡ്' (The Hand) എന്ന നിൻജ ഗ്രൂപ്പിനെതിരെയുള്ള സ്പൈഡിയുടെ ആക്ഷൻ രംഗങ്ങളും ഈ ട്രെയിലറിൽ കാണാനാകും ഇന്ത്യൻ റിലീസ് തീയതി: ആഗോള റിലീസിന് ഒരു ദിവസം മുൻപ് തന്നെ, അതായത് 2026 ജൂലൈ 30-ന് ചിത്രം ഇന്ത്യയിൽ തിയേറ്ററുകളിലെത്തും.
പ്രീമിയം ഫോർമാറ്റുകൾക്കായുള്ള (PLF) അഡ്വാൻസ് ബുക്കിങ് റിലീസിന് കൃത്യം 50 ദിവസം മുൻപായ ഇന്ന് (ജൂൺ 17) ആരംഭിക്കും.ഇംഗ്ലീഷിന് പുറമെ മലയാളം, തമിഴ്, തെലുങ്ക്, ഹിന്ദി, കന്നഡ എന്നീ ഭാഷകളിൽ ചിത്രം ലഭ്യമാകും.