മൊബൈൽ ഫോണി ൻെറ അമിത ഉപയോഗം, ലഹരി വിപത്ത് എന്നിവയ്‌ക്കെതിരെ വിദ്യാർഥികളെ ബോധവൽക്കരിക്കുന്നതിനായി പ്രത്യേക ക്ലാസ് സംഘടിപ്പിച്ചു

പാലക്കാട്‌ ചിറ്റൂർ ഭാഗങ്ങളിൽ വർദ്ധിച്ചു വരുന്ന സൈബർ കുറ്റകൃത്യങ്ങൾ, മൊബൈൽ ഫോണി ൻെറ അമിത ഉപയോഗം, ലഹരി വിപത്ത് എന്നിവയ്‌ക്കെതിരെ വിദ്യാർഥികളെ ബോധവൽക്കരിക്കുന്നതിനായി പ്രത്യേക ക്ലാസ് സംഘടിപ്പിച്ചു.

ചിറ്റൂർ പോലീസ് സ്റ്റേഷൻ എസ്.എച്ച്.ഒ (SHO) യുടെ പ്രത്യേക നിർദ്ദേശാനുസരണമാണ് സ്റ്റേഷൻ പരിധിയിലുള്ള തത്തമംഗലം ഗവൺമെന്റ് യു.പി. സ്കൂളിൽ (GUPS) വെച്ച് പരിപാടി നടത്തിയത്.
പാലക്കാട് ജനമൈത്രി എ.ഡി.എൻ.ഓ (ADNO) ആറുമുഖൻ വിദ്യാർഥികൾക്കായി ക്ലാസുകൾ നയിച്ചു. മൊബൈൽ ഫോണിൻെറ അമിത ഉപയോഗം കുട്ടികളുടെ പഠനത്തെയും മാനസികാരോഗ്യത്തെയും എങ്ങനെ ബാധിക്കുന്നുവെന്നും, ചതിക്കുഴികൾ നിറഞ്ഞ സൈബർ ലോകത്ത് കുട്ടികൾ പാലിക്കേണ്ട മുൻകരുതലുകളെക്കുറിച്ചും അദ്ദേഹം വിശദീകരിച്ചു. ലഹരി പദാർത്ഥങ്ങളുടെ ഉപയോഗം വരുത്തിവെക്കുന്ന വിനാശകരമായ അവസ്ഥകളെക്കുറിച്ചും അദ്ദേഹം കുട്ടികളെ ബോധ്യപ്പെടുത്തി.
സ്കൂൾ പ്രധാന അധ്യാപിക സജിത ബാനു ചടങ്ങിൽ അധ്യക്ഷത വഹിച്ചു. SPC ചാർജ് വഹിക്കുന്ന അധ്യാപിക കലൈശെൽവി, ജനമൈത്രി ബീറ്റ് ഓഫീസർ ശ്രീനിവാസൻ എന്നിവർ പരിപാടിയിൽ പങ്കെടുത്ത് സംസാരിച്ചു. ഡിജിറ്റൽ യുഗത്തിൽ കുട്ടികൾ കൂടുതൽ ഉത്തരവാദിത്തത്തോടെയും സുരക്ഷിതമായും ഫോണുകളും ഇന്റർനെറ്റും ഉപയോഗിക്കേണ്ടതിൻെറ ആവശ്യകത ചടങ്ങിൽ പങ്കെടുത്തവർ ഊന്നിപ്പറഞ്ഞു.