കൊട്ടിയൂർ ക്ഷേത്രത്തിൽ ദർശനം നടത്തിയ കർണാടകക്കാരിൽ വലിയ അതൃപ്തി.

നിരവധി കന്നഡ വ്ലോഗർമാരാണ് കൊട്ടിയൂർ ക്ഷേത്രത്തിനെതിരെ വിമർശനങ്ങളുമായി മുന്നോട്ടു വരുന്നത്.

“നമ്മൾ കന്നഡിഗർ ഒരിക്കലും അങ്ങോട്ട് പോവരുത്. എനിക്കൊരു അബദ്ധം പറ്റി.
ഇനി ഞാൻ അങ്ങോട്ടേക്കില്ല.

അവിടുത്തെ കമ്മിറ്റിക്കാർ പിച്ചക്കാരോടെന്ന പോലെയാണ് ഞങ്ങളോട് പെരുമാറിയത്. ഇത്രയും മോശം ഒരു അമ്പലക്കമ്മിറ്റിയെ ഞാൻ ഇതുവരെ കണ്ടിട്ടില്ല.

അവർ ഞങ്ങളിൽ പലരേയും ശാരീരികമായി കയ്യേറ്റം ചെയ്തു.
ഇത്രയും കഷ്ടപ്പെട്ട് നിങ്ങൾ പോയിട്ട് ഇങ്ങനെയാണ് അവർ നിങ്ങളോട് പെരുമാറുക. ഇനി ആർക്കും ഈ അബദ്ധം പറ്റരുത്.”

— രവി ഗൗഡ എന്നൊരു കന്നഡ വ്ലോഗറുടെ പ്രതികരണം ഇങ്ങനെയായിരുന്നു.

ഇത്തരത്തിൽ ഒരുപാട് ആളുകൾ വ്യാപക പ്രതിഷേധവുമായി മുന്നോട്ട് വരുന്നുണ്ട്.

കൊട്ടിയൂർ രണ്ട് ദിവസമായി നിയന്ത്രിക്കാൻ പറ്റുന്നതിനപ്പുറമുളള തിരക്കാണ് അനുഭവപ്പെടുന്നത്.

കർണാടകയിൽ നിന്നെത്തിയ ഏതാനും സംഘങ്ങളുമായി കൊട്ടിയൂർ ക്ഷേത്ര കമ്മിറ്റിക്കാർ ഉരസുകയും കയ്യാങ്കളിയിലേക്ക് പോവുകയും ചെയ്തിരുന്നു. ഇതിനെ തുടർന്നാണ് വിമർശനങ്ങൾ ഉയരുന്നത്.