എസ്‌.എസ്‌.എം പോളിടെക്നിക് വിദ്യാർത്ഥികൾക്ക് ദേശീയ മെഡൽ നേട്ടം

തിരൂർ: കേരളം ആതിഥേയത്വം വഹിച്ച ആറ്റിങ്ങൽ ശ്രീപാദം സ്റ്റേഡിയത്തിൽ നടന്ന ഓൾ ഇന്ത്യ പോളിടെക്‌നിക് സൗത്ത് സോൺ നാഷണൽ അത്ലറ്റിക്‌സ് ചാമ്പ്യൻഷിപ്പിൽ എസ്‌.എസ്‌.എം പോളിടെക്നിക് കോളേജ്, തിരൂരിലെ വിദ്യാർത്ഥികൾ മികച്ച നേട്ടം കൈവരിച്ചു.

കേരള ടീമിലെ അംഗമായ ഓട്ടോമൊബൈൽ എഞ്ചിനീയറിംഗ് രണ്ടാം സെമസ്റ്റർ വിദ്യാർത്ഥി റാദിൻ ഷഹൽ, 4×100 മീറ്റർ റിലേയിൽ കേരളത്തിന് വേണ്ടി സ്വർണ്ണ മെഡൽ നേടി.

അതുപോലെ സിവിൽ എഞ്ചിനീയറിംഗ് & പ്ലാനിംഗ് രണ്ടാം സെമസ്റ്റർ വിദ്യാർത്ഥി അൻഷാദ്, 4×400 മീറ്റർ റിലേയിൽ കേരള ടീമിന് വേണ്ടി സ്വർണ്ണ മെഡൽ നേടി.

കൂടാതെ സിവിൽ എഞ്ചിനീയറിംഗ് നാലാം സെമസ്റ്റർ വിദ്യാർത്ഥി മുഹമ്മദ് റയ്യാൻ പി.ടി, 5000 മീറ്റർ ഓട്ടത്തിൽ സിൽവർ മെഡൽ കരസ്ഥമാക്കി.

ഈ ചാമ്പ്യൻഷിപ്പിൽ കേരളം ഓവറോൾ ചാമ്പ്യന്മാരായി.

വിദ്യാർത്ഥികളെ കോച്ചുമാരായ മാഹിർ ഹസ്സൻ എം.കെ., സൽമാൻ ഫാരിസ് കെ എന്നിവർ പരിശീലിപ്പിച്ചു.
വിദ്യാർത്ഥികളുടെ ഈ നേട്ടത്തിന് കോളേജ് മാനേജ്മെന്റും അധ്യാപകരും വിദ്യാർത്ഥികളും അഭിനന്ദനം അറിയിച്ചു.