സിഇഒ തിരൂർ താലൂക്ക് കമ്മിറ്റി സഹകരണ അസി. രജിസ്ട്രാർ ഓഫീസിനു മുന്നിൽ ധർണ്ണ നടത്തി

കോ ഓപ്പറേറ്റിവ് എംപ്ലോയ്സ് ഓർഗനൈസേഷൻ (സി. ഇ.ഒ ) സംസ്ഥാനകമ്മറ്റിയുടെ പ്രതിഷേധ ക്യാമ്പയിന്റെ ഭാഗമായി സഹകരണ ജീവനക്കാരുടെ വിവിധ ആവശ്യങ്ങൾ ഉന്നയിച്ച് സി.ഇ.ഒ തിരൂർ താലൂക്ക് കമ്മറ്റി തിരൂർ അസിസ്റ്റൻ്റ് രജിസ്ട്രാർ ഓഫീസിന് മുന്നിൽ ധർണ്ണ നടത്തി. സഹകരണ ജീവനക്കാരുടെ ശമ്പള പരിഷ്കരണം നടപ്പിലാക്കുക, അന്യായമായ ക്ലാസിഫിക്കേഷൻ മാനദണ്ഡങ്ങൾ ലഘൂകരിക്കുക, മെഡിസെപ് പദ്ധതിയിൽ സഹകരണ ജീവനക്കാരെ ഉൾപ്പെടുത്തുക , ക്ഷേമ പെൻഷൻ വിതരണ ഇൻസെൻ്റീവ് അനുവദിക്കുക എന്നീ ആവശ്യങ്ങളുന്നയിച്ചാണ് ധർണ്ണ നടത്തിയത്. മലപ്പുറം ജില്ലാ പഞ്ചായത്ത്‌ മെമ്പർ *വെട്ടം ആലിക്കോയ* ഉൽഘാടനം ചെയ്തു. താലൂക്ക് പ്രസിഡണ്ട് റിയാസ് പാറക്കൽ അദ്ധ്യക്ഷനായിരുന്നു.സമീർ ഹുസൈൻ സ്വാഗതം പറഞ്ഞ ചടങ്ങിൽ സി. ഇ. ഒ സ്റ്റേറ്റ് വൈസ് പ്രസിഡന്റ്‌ അൻവർ താനാളൂർ,സി.ഇ.ഒ.സ്റ്റേ റ്റ് സെക്രട്ടറി മുഹമ്മദ് അലി കുറ്റിപ്പുറം, ജില്ലാ ട്രഷറർ ജബ്ബാർ വളാഞ്ചേരി, ജില്ലാ വൈസ് പ്രസിഡന്റ്‌ ഇബ്രാഹിം കുറ്റിപ്പുറം,ജില്ലാ സെക്രട്ടറി ഫസൽ പൊന്മുണ്ടം, താലൂക് സീനിയർ വൈസ് പ്രസിഡന്റ്‌ പി. വി സമദ് പ്രസംഗിച്ചു. അഡ്വക്കേറ്റ് നസീർ അഹമ്മദ്‌ മുഖ്യപ്രഭാഷണം നടത്തി.ശിഹാബ് പാറക്കൽ നന്ദി പറഞ്ഞു,താലൂക് ഭാരവാഹികളായ ഷഹീൻ കന്മനം,ഹംസ കുട്ടി പൊന്മുണ്ടം,ഫാറൂഖ് തിരൂർ, ആഷിക്ക് ചെറിയമുണ്ടം,അബ്ദുള്ള താനാളൂർ,ഹാരിസ് കുറുമ്പത്തൂർ ,എന്നിവർ നേതൃത്വം നൽകി. ജീവനക്കാരുടെ അവകാശ പത്രിക അസിസ്റ്റൻ്റ് രജിസ്ട്രാർക്ക് സമർപ്പിച്ചു.