തിരൂരിലെ ലേബർ ക്യാമ്പുകളിൽ എക്സൈസ് റൈഡ്.11 കിലോ കഞ്ചാവ് പിടികൂടി

തിരൂർ: തിരൂരിലെ ഇതര സംസ്ഥാന തൊഴിലാളികളുടെ ലേബർ ക്യാമ്പുകളിൽ നടന്ന പരിശോധനയിൽ തിരൂർ റെയിഞ്ച് എക്സൈസ് ഇൻസ്പെക്ടർ കാർത്തികേയൻ്റ നേതൃത്വത്തിൽ വീണ്ടും കഞ്ചാവ് വേട്ട. തിരൂർ വൈലത്തൂരിൽ നിന്നും 11 കിലോ കഞ്ചാവാണ് പരിശോധനയിൽ പിടികൂടിയത് - സംഭവത്തിൽ പശ്ചിമ ബംഗാൾ സൗത്ത് 24 പാർഗാ സ് ജില്ലയിലെ അത്തോറോബൻ ഗാബൂണി സ്വദേശി അഹൂദ് അലി ഖാസി s/o യാക്കോബ് എന്നയാളെ പ്രതിചേർത്ത് കേസെടുത്തു . ഇയാളെ കഴിഞ്ഞ ദിവസം ഒന്നര കിലോ കഞ്ചാവുമായി എക്സൈസ് അറസ്റ്റ് ചെയ്തിരുന്നു. ഇയാൾ ഇപ്പോൾ റിമാൻ്റിലാണ്.
ഈ കേസിന്റെ ഭാഗമായി നടത്തിയ അന്വേഷണത്തിലാണ് ഇയാൾ താമസിച്ചിരുന്ന മുറിയിൽ നിന്നും തിങ്കളാഴ്ച രാത്രിയിൽ കഞ്ചാവ് പിടി കൂടിയത്.
കഴിഞ്ഞ രണ്ടുമാസത്തിനുള്ളിൽ 15 ഓളം കേസുകളിൽ ആയി 30 കിലോയോളം കഞ്ചാവാണ് തിരൂരിനും പരിസരപ്രദേശങ്ങളിൽ നിന്നും എക്സൈസ് പിടികൂടിയത്.


റെയിഡിൽ ഇൻസ്പെക്ടർ പുറമേ അസിസ്റ്റൻറ് എക്സൈസ് ഇൻസ്പെക്ടർമാരായ എംപി മുഹമ്മദലി, പ്രഗേഷ് , പ്രിവൻ്റീവ് ഓഫീസർ കെ. മുഹമ്മദലി സിവിൽ എക്സൈസ് ഓഫീസർ കണ്ണൻ എന്നിവർ പങ്കെടുത്തു