നടി രശ്മിക മന്ദാനയ്ക്ക് ഷൂട്ടിങ്ങിനിടെ ഇടുപ്പിന് ഗുരുതരമായി പരിക്ക്

തന്റെ പുതിയ ചിത്രങ്ങളായ 'രണബാലി', 'മൈസ' എന്നിവയുടെ ചിത്രീകരണത്തിന്റെ ഭാഗമായി കഠിനമായ നൃത്ത-ആക്ഷൻ രംഗങ്ങളിൽ പങ്കെടുത്തപ്പോഴാണ് താരത്തിന് ഈ അപകടം സംഭവിച്ചത്.
ആറാഴ്ചത്തെ (ഒന്നര മാസം) പൂർണ്ണ വിശ്രമമാണ് ഡോക്ടർമാർ നിർദ്ദേശിച്ചിരിക്കുന്നത്.കഠിനമായ നൃത്തരംഗങ്ങൾ ചെയ്യുന്നതിനിടയിലുണ്ടായ വീഴ്ചയിൽ രശ്മികയുടെ ഇടുപ്പിലെ ടെൻഡൻ (Tendon detachment) പൂർണ്ണമായും വേർപെട്ടതായി റിപ്പോർട്ടുകൾ സൂചിപ്പിക്കുന്നു.സാധാരണയായി കഠിനമായ കായികപരിശീലനം നടത്തുന്ന പ്രൊഫഷണൽ അത്‌ലറ്റുകൾക്ക് മാത്രം സംഭവിക്കാറുള്ള തരം ഗുരുതരമായ പരിക്കാണിതെന്ന് മെഡിക്കൽ വിദഗ്ധർ വിലയിരുത്തുന്നു.