വീട്ടിൽ ഒറ്റയ്ക്ക് താമസിച്ചിരുന്ന 57-കാരനെ മരിച്ച നിലയിൽ കണ്ടെത്തി രണ്ടാഴ്ച പഴക്കമുള്ള മൃതദേഹം കിടപ്പുമുറിയിൽ അഴുകിയ നിലയിൽ; അസ്വാഭാവിക മരണത്തിന് കേസ്

കൊല്ലങ്കോട്: പാലക്കാട് ജില്ലയിലെ കൊല്ലങ്കോട് പല്ലശ്ശനയിൽ 57-കാരനെ വീട്ടിനുള്ളിൽ അഴുകിയ നിലയിൽ മരിച്ചുകിടക്കുന്നതായി കണ്ടെത്തി. പല്ലശ്ശന പൂളപ്പറമ്പ് ചാന്തിരം വീട്ടിൽ പൊന്നൻ (57) ആണ് മരിച്ചത്. കട്ടിലിൽ മലർന്നുകിടക്കുന്ന നിലയിലായിരുന്ന മൃതദേഹത്തിന് ഏകദേശം രണ്ടാഴ്ചയോളം പഴക്കമുണ്ടെന്നാണ് പോലീസിന്റെ പ്രാഥമിക നിഗമനം.
ഞായറാഴ്ച രാവിലെ പൊന്നനെ അന്വേഷിച്ച് എത്തിയ ബന്ധു നിരവധി തവണ വിളിച്ചിട്ടും പ്രതികരണമില്ലാതിരുന്നതിനെ തുടർന്ന് പരിസരവാസികളുടെ സഹായത്തോടെ വീടിന്റെ പൂട്ട് കുത്തിത്തുറന്ന് പരിശോധിച്ചപ്പോഴാണ് മൃതദേഹം കണ്ടെത്തിയത്.

ഭാര്യ വസന്ത അടുത്തിടെയാണ് അസുഖത്തെ തുടർന്ന് മരിച്ചത്. ഒരു മകൾ വിവാഹിതയായി പെരുവെമ്പിൽ താമസിക്കുന്നതും മറ്റൊരു മകൾ കോയമ്പത്തൂരിൽ നഴ്സായി ജോലി ചെയ്യുന്നതുമാണ്. വീടിന്റെ മുൻവാതിൽ എപ്പോഴും പൂട്ടിയിടുകയും പിൻവാതിൽ വഴിയാണ് പൊന്നൻ സഞ്ചരിക്കാറുണ്ടായിരുന്നതെന്നും ഇടയ്ക്കിടെ മക്കളുടെ വീട്ടിലേക്ക് പോകുന്ന പതിവുണ്ടായിരുന്നതിനാലും മരണം ആരും ശ്രദ്ധിച്ചില്ലെന