ബഹിരാകാശത്തുനിന്ന് മകൾക്ക് പിറന്നാൾ ആശംസ നേർന്ന് ഡോ. അനിൽ മേനോൻ. ഐഎസ്എസിൽ നിന്നുള്ള ആദ്യ വീഡിയോ പുറത്ത്.

അന്താരാഷ്ട്ര ബഹിരാകാശ നിലയത്തിലെത്തിയ (ISS) ആദ്യ മലയാളി വംശജനായ നാസ ബഹിരാകാശ സഞ്ചാരി ഡോ. അനിൽ മേനോൻ നിലയത്തിൽ നിന്നുള്ള തന്റെ ആദ്യ വീഡിയോ സന്ദേശം പങ്കുവെചിരിക്കുന്നു . സൊയൂസ് എംഎസ്-29 പേടകത്തിൽ മറ്റ് രണ്ട് സഞ്ചാരികൾക്കൊപ്പം കഴിഞ്ഞ ദിവസമാണ് അദ്ദേഹം ബഹിരാകാശ നിലയത്തിൽ എത്തിചിരിക്കുന്നത്.

ബഹിരാകാശത്തെ ആദ്യ ദിനം മികച്ച അനുഭവമായിരുന്നുവെന്ന് വ്യക്തമാക്കിയ അനിൽ മേനോൻ, ഈ സ്വപ്നയാത്ര യാഥാർഥ്യമാക്കാൻ പിന്തുണച്ച എല്ലാവർക്കും നന്ദി അറിയിച്ചിരിക്കുന്നത് . വീഡിയോയിലൂടെ തന്റെ ഭാര്യയോടും മക്കളോടുമുള്ള സ്നേഹം പങ്കുവെച്ച അദ്ദേഹം, മകൾ ഗ്രേസിന് ബഹിരാകാശത്തുനിന്ന് ഹൃദയസ്പർശിയായ ജന്മദിനാശംസകളും നേർന്നത്.

കേരളത്തിലെ ഒറ്റപ്പാലത്ത് വേരുകളുള്ള ഡോ. അനിൽ മേനോൻ, നാസയുടെ ബഹിരാകാശ സഞ്ചാരിയായി തെരഞ്ഞെടുക്കപ്പെട്ട ശേഷമുള്ള തന്റെ ആദ്യ ദീർഘകാല ദൗത്യത്തിലാണ് പങ്കാളിയാകുന്നത്. എട്ട് മാസത്തോളം നീളുന്ന ഈ ദൗത്യത്തിനിടെ വിവിധ ശാസ്ത്രീയ പരീക്ഷണങ്ങൾക്കും ഗവേഷണങ്ങൾക്കും അദ്ദേഹം നേതൃത്വം നൽകും.