തമിഴ്‌നാട്ടിലെ സര്‍ക്കാര്‍ ആശുപത്രികളില്‍ മുഖ്യമന്ത്രി വിജയുടെ പുതിയ പദ്ധതിയായ തായി മാമൻ സമ്മാനം

തമിഴ്‌നാട്ടിലെ സർക്കാർ ആശുപത്രികളിൽ ജനിക്കുന്ന കുഞ്ഞുങ്ങൾക്ക് 1 ഗ്രാം സ്വർണ്ണ മോതിരം സമ്മാനമായി നൽകുന്ന 'തായ് മാമൻ തങ്ക മോതിരം' എന്ന ചരിത്രപരമായ പദ്ധതി മുഖ്യമന്ത്രി സി. ജോസഫ് വിജയ്‌യുടെ നേതൃത്വത്തിലുള്ള സർക്കാർ ഔദ്യോഗികമായി പ്രഖ്യാപിച്ചു.

തമിഴക വെട്രി കഴകം (TVK) പാർട്ടിയുടെ പ്രധാന തിരഞ്ഞെടുപ്പ് വാഗ്ദാനങ്ങളിൽ ഒന്നായിരുന്ന ഈ ക്ഷേമപദ്ധതി നടപ്പിലാക്കാൻ തമിഴ്‌നാട് സർക്കാർ ഭരണാനുമതി നൽകിയിട്ടുണ്ട്. സർക്കാർ ആശുപത്രികളിൽ ജനിക്കുന്ന എല്ലാ കുഞ്ഞുങ്ങൾക്കും 1 ഗ്രാം സ്വർണ്ണ മോതിരം ലഭിക്കും.തമിഴ്‌നാട്ടിൽ സ്ഥിരതാമസക്കാരായ കുടുംബങ്ങളിൽ നിന്ന് സംസ്ഥാനത്തെ സർക്കാർ ആശുപത്രികളിൽ ജനിക്കുന്ന എല്ലാ കുഞ്ഞുങ്ങൾക്കും ഈ ആനുകൂല്യം ലഭിക്കും. മുഖ്യമന്ത്രി വിജയ്‌യുടെ ജന്മദിനമായ 2026 ജൂൺ 22 മുതൽ സർക്കാർ ആശുപത്രികളിൽ ജനിച്ച കുട്ടികൾക്ക് ഈ പദ്ധതി പ്രകാരം സ്വർണ്ണ മോതിരം ലഭിക്കാൻ അർഹതയുണ്ടാകും.
ഇതിന്റ ഉദ്ഘാടനം മുൻ മുഖ്യമന്ത്രി സി.എൻ. അണ്ണാദുരൈയുടെ ജന്മദിനമായ 2026 സെപ്റ്റംബർ 15-ന് മുഖ്യമന്ത്രി വിജയ് ഈ പദ്ധതി ഔദ്യോഗികമായി നാടിന് സമർപ്പിക്കും.