6ലോകകപ്പുകളിൽ ഗോൾ നേടുന്ന ആദ്യ താര്മായി ക്രിസ്റ്റ്യാനോ റൊണാൾഡോ

2026 ഫിഫ ലോകകപ്പിലെ ഗ്രൂപ്പ് കെ പോരാട്ടത്തിൽ ഉസ്ബെക്കിസ്ഥാനെതിരെ പോർച്ചുഗലിന് തകർപ്പൻ തുടക്കം. ആദ്യ മത്സരത്തിലെ സമനിലയ്ക്ക് പിന്നാലെ ശക്തമായ തിരിച്ചുവരവ് ലക്ഷ്യമിട്ടിറങ്ങിയ പോർച്ചുഗൽ ആദ്യ പകുതി അവസാനിക്കുമ്പോൾ എതിരില്ലാത്ത മൂന്ന് ഗോളുകൾക്ക് മുന്നിലാണ് (3-0). മത്സരത്തിന്റെ തുടക്കത്തിൽ തന്നെ ഗോൾ നേടി ക്യാപ്റ്റൻ ക്രിസ്റ്റ്യാനോ റൊണാൾഡോ ചരിത്ര റെക്കോർഡ് സ്വന്തമാക്കിയപ്പോൾ ഹൂസ്റ്റണിലെ എൻആർജി സ്റ്റേഡിയം 'Siuuu' ആവേശത്തിൽ അമർന്നിരിക്കുന്നത്.
മത്സരത്തിന്റെ ആദ്യ പകുതിയിൽ തന്നെ ഇരട്ട ഗോളുകൾ അടിച്ചുകൂട്ടി റൊണാൾഡോ ഫോമിലേക്ക് ഉയർന്നതാണ് പോർച്ചുഗലിന് കരുത്തായിരിക്കുന്നത്.

ടെക്സാസിലെ ഹൂസ്റ്റണിൽ നടക്കുന്ന മത്സരത്തിന്റെ അഞ്ചാം മിനിറ്റിൽ തന്നെ റൊണാൾഡോയിലൂടെ പോർച്ചുഗൽ അക്കൗണ്ട് തുറന്നത് . ഈ ഗോളോടെ ഫിഫ ലോകകപ്പിന്റെ ചരിത്രത്തിൽ ആറ് വ്യത്യസ്ത പതിപ്പുകളിൽ (2006, 2010, 2014, 2018, 2022, 2026) ഗോൾ നേടുന്ന ആദ്യ താരം എന്ന സർവകാല റെക്കോർഡ് റൊണാൾഡോ സ്വന്തം പേരിൽ കുറിച്ചത്.

ആക്രമണം ശക്തമാക്കിയ പോർച്ചുഗൽ 17-ാം മിനിറ്റിൽ യുവതാരം നുനോ മെൻഡസിലൂടെ ലീഡ് രണ്ടാക്കി ഉയർത്തിയിരിക്കുന്നു (2-0). ഉസ്ബെക്കിസ്ഥാൻ പ്രതിരോധത്തിന് യാതൊരു അവസരവും നൽകാതെ കളം നിറഞ്ഞ പോർച്ചുഗലിനായി 39-ാം മിനിറ്റിൽ റൊണാൾഡോ തന്റെ മത്സരത്തിലെ രണ്ടാമത്തെ ഗോളും നേടി ടീമിന്റെ ലീഡ് 3-0 ആക്കി വർദ്ധിപ്പിച്ചത്.
ഗ്രൂപ്പിലെ ആദ്യ മത്സരത്തിൽ കോംഗോയോട് 1-1 ന് സമനില വഴങ്ങേണ്ടി വന്ന പോർച്ചുഗലിന് ഈ മത്സരം അത്യന്തം നിർണായകമാണ്. ആദ്യ പകുതിയിലെ ഈ തകർപ്പൻ പ്രകടനം നിലനിർത്താനായാൽ വലിയൊരു വിജയത്തോടെ പോർച്ചുഗലിന് അടുത്ത റൗണ്ടിലേക്ക് മുന്നേറാൻ സാധിക്കും. ഉസ്ബെക്കിസ്ഥാന്റെ ഗാനിവിൻ്റെ ഒരു ലോങ് റേഞ്ചർ ഗോൾ വലയിലെത്തിയെങ്കിലും ഫൗളിനെ തുടർന്ന് വിഎആർ അത് നിഷേധിച്ചത് അവർക്ക് തിരിച്ചടിയായിരിക്കുന്നു.