പാലക്കാട്‌ കൊഴിഞ്ഞാമ്പാറ നടുപ്പുണിയിൽ നിർത്തിയിട്ട ടാങ്കർ ലോറിയിൽ ഒരാൾ തൂങ്ങിമരിച്ച നിലയിൽ

പാലക്കാട് കൊഴിഞ്ഞാമ്പാറ നടുപ്പുണി ഭാഗത്ത് റോഡരികിൽ നിർത്തിയിട്ടിരുന്ന ടാങ്കർ ലോറിയിൽ ഒരാളെ തൂങ്ങിമരിച്ച നിലയിൽ കണ്ടെത്തി.
റോഡരികിൽ നിർത്തിയിട്ടിരുന്ന 'മെറ്റാസോൺ ട്രാൻസ്പോർട്ട്' (Mettazone Transport) എന്നെഴുതിയ KL 05 BA 1064 രജിസ്ട്രേഷൻ നമ്പറിലുള്ള ടാങ്കർ ലോറിയുടെ സൈഡിലെ ഗോവണിയിലാണ് മൃതദേഹം തൂങ്ങിക്കിടക്കുന്ന നിലയിൽ കണ്ടത്. വിവരമറിഞ്ഞ് പൊള്ളാച്ചി വടക്കിപാളയം . പോലീസിനൊപ്പം നിരവധി നാട്ടുകാരും സംഭവസ്ഥലത്ത് തടിച്ചുകൂടിയിരുന്നു.
മരിച്ചയാളെക്കുറിച്ചുള്ള വിവരങ്ങൾ ഇതുവരെ ലഭ്യമായിട്ടില്ല. ഇയാൾ ലോറിയിലെ ജീവനക്കാരനാണോ അതോ പ്രദേശവാസിയാണോ എന്ന കാര്യത്തിൽ വ്യക്തത വന്നിട്ടില്ല. ഇൻക്വസ്റ്റ് നടപടികൾക്ക് ശേഷം മൃതദേഹം പോസ്റ്റ്‌മോർട്ടത്തിനായി ആശുപത്രിയിലേക്ക് മാറ്റും. സംഭവത്തിൽ പോലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു. കൂടുതൽ വിവരങ്ങൾ ലഭ്യമായി വരുന്നതേയുള്ളൂ.