നെല്ലിയാമ്പതിയിൽ സെൽഫി എടുക്കുന്നതിനിടെ കാല്‍വഴുതിവീണ് യുവാവിന് ദാരുണാന്ത്യം

നെല്ലിയാമ്പതി: സെൽഫി എടുക്കുന്നതിനിടെ കാല്‍വഴുതിവീണ് വിനോദസഞ്ചാരി മരിച്ചു. നെല്ലിയാമ്പതി മരപ്പാലത്തിന് സമീപമാണ് അപകടമുണ്ടായത്. കൊല്ലങ്കോട് പയ്യലൂർ സ്വദേശി സിജിൻ(45) ആണ് മരിച്ചത്. നെല്ലിയാമ്പതി സന്ദർശിക്കുന്നതിനിടെ ഇന്ന് വൈകിട്ടാണ് അപകടമുണ്ടായത്.

സെൽഫി എടുക്കുന്നതിനിടെ കാല്‍വഴുതി താഴേക്ക് വീഴുകയായിരുന്നു. വീഴ്ചയുടെ ആഘാതത്തില്‍ ഗുരുതരമായി പരിക്കേറ്റ സിജിനെ ഉടൻ ആശുപത്രിയിലെത്തിച്ചെങ്കിലും രക്ഷിക്കാനായില്ല.