ദർശൻ ഇട്ട ആ ഒറ്റ 'റീൽ'... കൊട്ടിയൂരിലേക്ക് ഒഴുകിയെത്തിയത് ഭക്തിയുടെ മഹാപ്രവാഹം

കർണാടകയിലെ 'ചലഞ്ചിംഗ് സ്റ്റാർ' ദർശൻ തൂഗുദീപ കഴിഞ്ഞ ജൂണിൽ തന്റെ കുടുംബത്തോടൊപ്പം കണ്ണൂരിലെ അക്കരെ കൊട്ടിയൂർ മഹാശിവ ക്ഷേത്രത്തിൽ എത്തിയപ്പോൾ അതൊരു വലിയ വാർത്തയായിരുന്നു. ആ യാത്രയുടെ ദൃശ്യങ്ങൾ അദ്ദേഹം സോഷ്യൽ മീഡിയയിൽ പങ്കുവെച്ചതോടെ, കൊട്ടിയൂർ എന്ന പുണ്യഭൂമി കർണാടകയിലെ ഭക്തർക്കിടയിൽ വല്ലാത്തൊരു തരംഗമായി മാറി! 🕉️
പിറ്റേന്ന് മുതൽ മൈസൂരും കൂർഗും കടന്ന് ഭക്തരുടെ വലിയൊരു ഒഴുക്കാണ് കൊട്ടിയൂരിലേക്ക് ഉണ്ടായത്. വർഷത്തിൽ വെറും ഒരു മാസം മാത്രം നടതുറക്കുന്ന ഈ ക്ഷേത്രത്തിന്റെ പ്രത്യേകതകളോ ആരാധനാക്രമങ്ങളോ കൃത്യമായി അറിയാതെ വന്ന പലർക്കും ആദ്യ നാളുകളിൽ ചെറിയ ആശയക്കുഴപ്പങ്ങൾ ഉണ്ടായിട്ടുണ്ട്. എന്നാൽ ഇന്ന് കാര്യങ്ങൾ മാറുകയാണ്.
തീർത്ഥാടകരുടെ തിരക്ക് വർദ്ധിച്ചതോടെ, ഈ വർഷം മുതൽ ക്ഷേത്ര പരിസരത്ത് കന്നഡ ഭാഷയിലുള്ള ബോർഡുകളും നിർദ്ദേശങ്ങളും പ്രത്യക്ഷപ്പെട്ടു തുടങ്ങി. ഭക്തിക്കും വിശ്വാസത്തിനും ഭാഷ അതിരുകളില്ലെന്ന് തെളിയിക്കുകയാണിവിടെ.
കഴിഞ്ഞ ദിവസങ്ങളിൽ മാക്കൂട്ടം ചുരത്തിൽ കണ്ട ബ്ലോക്കുകൾ, ഈ ക്ഷേത്രത്തോട് കർണാടകയിലെ ഭക്തർക്കുള്ള ആദരവിന്റെയും ആകർഷണത്തിന്റെയും നേർചിത്രമാണ്. എങ്കിലും, ഇവിടുത്തെ ആചാരങ്ങളും ചിട്ടവട്ടങ്ങളും പതുക്കെയാണെങ്കിലും അവർ മനസ്സിലാക്കി വരുന്നുണ്ട്.
നമ്മുടെ കൊട്ടിയൂർ അപ്പന്റെ ചൈതന്യം തേടി വരുന്ന എല്ലാ ഭക്തർക്കും സ്വാഗതം! തിരക്കുകൾക്കിടയിലും ശാന്തമായി നമുക്ക് ആ ഭക്തിലഹരിയിൽ ലയിക്കാം.