ഇസ്രയേലിനോട് ഇന്ത്യക്ക് ഭ്രാന്തമായ സ്നേഹം.ആഗോളതലത്തിൽ ഏറ്റവും വലിയ പിന്തുണ ഇന്ത്യയിൽ നിന്നാണെന്ന് നെതന്യാഹു

അന്താരാഷ്ട്ര തലത്തിൽ ഇസ്രയേൽ കടുത്ത വിമർശനങ്ങളും ഒറ്റപ്പെടുത്തലുകളും നേരിടുന്ന ഈ ഘട്ടത്തിൽ, തങ്ങൾക്ക് ലഭിക്കുന്ന ഏറ്റവും ശക്തമായ പിന്തുണ ഇന്ത്യയിൽ നിന്നാണെന്ന് ഇസ്രയേൽ പ്രധാനമന്ത്രി ബെന്യാമിൻ നെതന്യാഹു വ്യക്തമാക്കിയിരിക്കുന്നു. വ്യാഴാഴ്ച വെസ്റ്റ് ബാങ്കിൽ സംഘടിപ്പിച്ച ഒരു പരിപാടിയിൽ സംസാരിക്കവെയാണ്, ഇസ്രയേലിന്റെ നയതന്ത്ര നീക്കങ്ങളിൽ ഇന്ത്യയ്ക്കുള്ള നിർണ്ണായക പങ്കിനെക്കുറിച്ച് നെതന്യാഹു മനസ്സ് തുറന്നിരികുന്നത്.

ലോകത്തിന്റെ പല ഭാഗങ്ങളിലും ഇസ്രയേലിനെ ഒറ്റപ്പെടുത്താൻ വ്യവസ്ഥാപിത ശ്രമങ്ങൾ നടക്കുന്നുണ്ടെങ്കിലും ഇന്ത്യയുമായുള്ള തങ്ങളുടെ ബന്ധം വളരെ ദൃഢമാണെന്ന് അദ്ദേഹം പറഞ്ഞത്. ഇന്ത്യയിൽ ഇസ്രയേലിനോട് യഥാർത്ഥവും തികച്ചും ഭ്രാന്തവുമായ ഒരു സ്നേഹമുണ്ടെന്നും അദ്ദേഹം കൂട്ടിച്ചേർത്തത്. ഏകദേശം 140 കോടിയോളം ജനസംഖ്യയുള്ള ഇന്ത്യയിലാണ് ആഗോളതലത്തിൽ തനിക്ക് മറ്റെല്ലായിടത്തേക്കാളും കൂടുതൽ ഫോളോവേഴ്‌സ് ഉള്ളതെന്ന് താൻ വിശ്വസിക്കുന്നതായും നെതന്യാഹു പ്രസ്താവിച്ചത്.