ക്വിന്റലിന് വെറും 125 രൂപ ഉള്ളിക് റോഡിൽ തള്ളി പ്രതിഷേധിച്ച് കർഷകർ

കുത്തനെ വിലയിടിഞ്ഞതിനെ തുടർന്ന് ഉള്ളി റോഡിൽ ഉപേക്ഷിച്ച് പ്രതിഷേധിച്ച് കർഷകർ. മഹാരാഷ്ട്രയിലെ ഛത്രപതി സംഭാജിനഗറിലാണ് സംഭവം നടന്നത് . ക്വിന്റലിന് 125 മുതൽ 130 വരെയായി താഴ്ന്നതിൽ പ്രതിഷേധിച്ച് ഹൈവേ ഉപരോധിക്കുകയും ചെയ്തത് . വിൽപനക്കായി മാർക്കറ്റിലെത്തിച്ച മുഴുവൻ ഉള്ളിയും റോഡിലേക്ക് തള്ളുകയായിരുന്നു. ഇതിനെ തുടർന്ന് ഹൈവേയിൽ അരമണിക്കൂറോളം നീണ്ട ഗതാഗതക്കുരുക്ക് അനുഭവപ്പെട്ടത് . പിന്നീട് പോലീസും അധികൃതരും കർഷകരുമായി ചർച്ച നടത്തി റോഡിലെ ഗതാഗതം പുനസ്ഥാപിച്ചത്.

ഛത്രപതി സംഭാജിനഗർ, നാസിക് തുടങ്ങിയ മഹാരാഷ്ട്രയിലെ പ്രധാന ഉള്ളി ഉൽപ്പാദന മേഖലകളിലെ കർഷകർ നേരിടുന്ന കടുത്ത പ്രതിസന്ധിയുടെ ആവർത്തനമാണ് ഈ സംഭവം വ്യക്തമാക്കിയിരിക്കുന്നത്. മെയ് മാസത്തിലെ അമിത വിളവെടുപ്പും മാർക്കറ്റിലെ ഏറ്റക്കുറച്ചിലുകളും കാരണം മൊത്തവ്യാപാര വിപണിയിൽ ഉള്ളി വില കർഷകർക്ക് ഒട്ടും താങ്ങാനാകാത്ത വിധം താഴേക്ക് പോവുകയായിരുന്നത് . തങ്ങൾക്ക് ലഭിക്കുന്ന വില ഉൽപാദന ചിലവിനോ അല്ലെങ്കിൽ ഇത് മാർക്കറ്റിൽ എത്തിക്കാനുള്ള വണ്ടി വാടകയ്‌ക്കോ പോലും തികയുന്നില്ലെന്ന് ചൂണ്ടിക്കാട്ടി കഴിഞ്ഞ ആഴ്ചകളിലും ഈ മേഖലകളിൽ സമാനമായ പ്രതിഷേധങ്ങൾ നടന്നിരുന്നു. ചിലയിടങ്ങളിൽ കർഷകർക്ക് കിലോഗ്രാമിന് വെറും ഒന്നോ രണ്ടോ രൂപ മാത്രമാണ് ലഭിച്ചതെന്ന് പ്രാദേശിക അഗ്രികൾച്ചറൽ പ്രൊഡ്യൂസ് മാർക്കറ്റ് കമ്മിറ്റിയുടെ നിരീക്ഷണങ്ങളെ ഉദ്ധരിച്ചുള്ള റിപ്പോർട്ടുകൾ സൂചിപ്പിച്ചത്.