പ്രമുഖ ജ്വല്ലറി ശൃംഖലകളുടെ ഓഹരികൾ കുത്തനെ ഇടിഞ്ഞു പണികിട്ടിയവരിൽ കല്യാൺ ജ്വല്ലേഴ്‌സും.

ആഗോള പ്രതിസന്ധിയുടെ പശ്ചാത്തലത്തിൽ വിവാഹങ്ങൾക്കായി സ്വർണം വാങ്ങുന്നത് ഒരു വർഷത്തേക്ക് ഒഴിവാക്കണമെന്ന പ്രധാനമന്ത്രി നരേന്ദ്ര മോദിയുടെ അഭ്യർത്ഥന ഇന്ത്യൻ ഓഹരി വിപണിയിൽ വൻ പ്രകമ്പനം സൃഷ്ടിച്ചരിക്കുന്നു .ഈ പ്രസ്താവന പുറത്തുവന്നതിന് പിന്നാലെ രാജ്യത്തെ പ്രമുഖ ജ്വല്ലറി ശൃംഖലകളുടെ ഓഹരികൾ വലിയ തകർച്ചയാണ് നേരിട്ടിരിക്കുന്നത് .

വിപണി വ്യാപാരം തുടങ്ങിയത് മുതൽ ജ്വല്ലറി ഓഹരികളിൽ നിക്ഷേപകർ വലിയ തോതിൽ വിറ്റഴിക്കൽ നടത്തിയത് . ഇതിൽ ഏറ്റവും കൂടുതൽ തിരിച്ചടി നേരിട്ട ബ്രാൻഡുകളിൽ ഒന്നാണ് കല്യാൺ ജ്വല്ലേഴ്സ്. കല്യാൺ ജ്വല്ലേഴ്സിന്റെ ഓഹരി വിലയിൽ വലിയ ഇടിവ് രേഖപ്പെടുത്തിയിരിക്കുന്നു . കൂടാതെ ടാറ്റ ഗ്രൂപ്പിന്റെ ടൈറ്റൻ, സെൻകോ ഗോൾഡ്, തങ്കമയിൽ ജ്വല്ലറി തുടങ്ങിയ പ്രമുഖ കമ്പനികളുടെ ഓഹരികളും കുത്തനെ ഇടിഞ്ഞത് .

ഇന്ത്യയിലെ സ്വർണ വ്യാപാരത്തിന്റെ വലിയൊരു ഭാഗം വിവാഹങ്ങളുമായി ബന്ധപ്പെട്ടതാണ്. വിവാഹ പർച്ചേസുകൾ ഒഴിവാക്കാൻ പ്രധാനമന്ത്രി ആവശ്യപ്പെട്ടതോടെ വരും മാസങ്ങളിൽ ജ്വല്ലറികളിലെ വ്യാപാരം പകുതിയിലേറെ കുറയുമെന്ന ഭീതി നിക്ഷേപകർക്കിടയിലുണ്ടായിട്ടുണ്ട്.