യുദ്ധത്തിനിടെ ഇറാൻ വിമാനത്തെ പാകിസ്‌താൻ ഒളിപ്പിച്ചു എന്ന ആരോപണവുമായി യുഎസ്

ഇറാൻ-ഇസ്രയേൽ സൈനിക സംഘർഷത്തിനിടെ ഇറാന്റെ സൈനിക വിമാനങ്ങൾക്ക് പാകിസ്താൻ രഹസ്യമായി അഭയം നൽകിയെന്ന ഗുരുതര ആരോപണവുമായി അമേരിക്ക രംഗത്ത് എത്തിയിരിക്കുന്നു . യുഎസ് സേനയുടെ ആക്രമണത്തിൽ നിന്ന് സംരക്ഷിക്കാനായി ഇറാന്റെ യുദ്ധവിമാനങ്ങൾ പാകിസ്ഥാനിലെ നൂർ ഖാൻ വ്യോമത്താവളത്തിൽ ഒളിപ്പിച്ചതായാണ് അമേരിക്കൻ ഉന്നത ഉദ്യോഗസ്ഥൻ സിബിഎസിനോട് വെളിപ്പെടുത്തിയിരിക്കുന്നത്.

ഇറാന്റെ രഹസ്യ നിരീക്ഷണ വിമാനമായ ആർസി-130 ഉൾപ്പെടെയുള്ളവ നൂർ ഖാനിലുണ്ടായിരുന്നുവെന്നും ചില വിമാനങ്ങൾ അഫ്ഗാനിസ്ഥാനിലേക്ക് മാറ്റിയെന്നും റിപ്പോർട്ടുകൾ സൂചിപ്പിക്കുന്നത്. എന്നാൽ ഈ വാദങ്ങൾ പാകിസ്താൻ പാടെ തള്ളിയിരിക്കുന്നു . നഗരമധ്യത്തിൽ സ്ഥിതി ചെയ്യുന്ന നൂർ ഖാൻ വിമാനത്താവളത്തിൽ ഇത്തരത്തിൽ വിമാനങ്ങൾ ഒളിപ്പിക്കുക അസാധ്യമാണെന്നും ആരോപണങ്ങൾ അടിസ്ഥാനരഹിതമാണെന്നും പാക് സൈനിക വൃത്തങ്ങൾ പ്രതികരിച്ചത് .