കെ.സുധാകരന് സീറ്റില്ല; ടി.ഒ.മോഹനന്‍ കണ്ണൂരിൽ കോണ്‍ഗ്രസ് സ്ഥാനാര്‍ഥിയാകും.

നിയമസഭാ തിരഞ്ഞെടുപ്പിൽ കെ സുധാകരന് കണ്ണൂരിൽ സീറ്റില്ല.ടി ഒ മോഹനൻ കോൺഗ്രസ് സ്ഥാനാർത്ഥിയാകും. മത്സരരംഗത്ത് എംപിമാർ വേണ്ടെന്ന് നേതൃത്വം ഉറച്ച തീരുമാനമെടുക്കുകയായിരുന്നു. നിയമസഭാ തിരഞ്ഞെടുപ്പിൽ എംപിമാർ മത്സരിക്കില്ലെന്ന് പാർട്ടി നേരത്തെ തന്നെ വ്യക്തമാക്കിയിരുന്നുവെങ്കിലും സുധാകരൻ അത് മറികടന്ന് കലാപ കൊടി ഉയർത്തുകയായിരുന്നു. ഇത്തരം നിർണായക ഘട്ടത്തിൽ പാർട്ടിയെ ഈ തരത്തിൽ പ്രതിരോധത്തിൽ ആക്കുന്നത് പ്രവർത്തകരുടെ ആവേശം കെടുത്തുമെന്നും സമീപനം മാറ്റാത്തത് ശരിയല്ലെന്നും ഹൈക്കമാൻഡ് വിലയിരുത്തി. എന്നാൽ സ്ഥാനാർത്ഥിയാക്കില്ലെന്ന് ഉറപ്പായതോടെ സുധാകരൻ സ്വതന്ത്രനായി മത്സരിക്കുമൊ എന്ന് ഇന്ന് വ്യക്തമാക്കും. സുധാകരൻ പ്രവർത്തകസമിതി അംഗത്വം രാജിവെക്കുമെന്നും സൂചനയുണ്ട്.

.പെരുമ്പാവൂര്‍ സീറ്റിന്‍റെ കാര്യത്തില്‍ കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖര്‍ഗെ അന്തിമ തീരുമാനം കൈക്കൊള്ളും. ഉദുമ,പട്ടാമ്പി,ചടയമംഗലവും ഖര്‍ഗെ തീരുമാനിക്കും. കൊച്ചിയില്‍ മുഹമ്മദ് ഷിയാസ് തന്നെ മല്‍സരിച്ചേക്കും. കടുത്ത സമ്മര്‍ദമാണ് ഷിയാസിനായി വി.ഡി.സതീശന്‍ ചെലുത്തിയത്. ദീപ്തി മേരി വര്‍ഗീസിനെ സ്ഥാനാര്‍ഥിയാക്കണമെന്നായിരുന്നു കെ.സി.വേണുഗോപാലിന്‍റെ നിലപാട്. കോന്നിയില്‍ അടൂര്‍ പ്രകാശിന് പകരം സതീഷ് കൊച്ചുപറമ്പില്‍ കോണ്‍ഗ്രസ് സ്ഥാനാര്‍ഥിയാകും. വാമനപുരത്ത് സുധീര്‍ഷാ പാലോട്, നെയ്യാറ്റിന്‍കരയില്‍ എന്‍.ശക്തന്‍, നേമത്ത് ശബരീനാഥന്‍, ആറന്മുളയില്‍ അബിന്‍ വര്‍ക്കി.
.റാന്നിയിൽ പഴക്കുളം മധു. ഇടുക്കിയിൽ റോയി കെ പൗലോസ്. ഏറ്റുമാനൂരിൽ നാട്ടകം സുരേഷ് തുടങ്ങിയവർ മത്സരിക്കുമെന്നാണ് സൂചന