മരുമകളെ വെട്ടിക്കൊന്ന സംഭവം: ഗ്യാസ് അടുപ്പിൽ ചായ ഉണ്ടാക്കുന്നതിനെ ചൊല്ലിയുള്ള വഴക്ക്

ചായ ഉണ്ടാക്കുന്നതിനെച്ചൊല്ലിയുള്ള തർക്കത്തിനിടെ മരുമകളെ അമ്മായിയമ്മ വെട്ടിക്കൊന്ന സംഭവത്തിൽ പ്രതിയുമായി പോലീസ് തെളിവെടുപ്പ് നടത്തി.പൂക്കോട്ടുപാടം പോലീസ് 67 വയസുള്ള കുണ്ടുങ്ങൽ പുളിക്കത്തടത്തിൽ ശാന്തയെ തെളിവെടുപ്പ് നടത്തിയത് കൊലപാതകം നടന്ന വീട്ടിലെത്തിച്ചാണ്. കൊലയ്ക്കുപയോഗിച്ച കത്തി അടുക്കളയിലെ അടുപ്പിനടിയിൽ ഒളിപ്പിച്ച നിലയിൽ പോലീസ് കണ്ടെടുത്തു.

നാടിനെ നടുക്കിയ സംഭവം ഇന്നലെ പുലർച്ചെ ആറരയോടെയായിരുന്നു. മകൻ സുനിൽ ബാബു ജോലിക്ക് പോയ സമയത്ത് ശാന്തയും മരുമകൻ രജിലയും (28) തമ്മിൽ ഗ്യാസ് അടുപ്പിൽ ചായ ഉണ്ടാക്കുന്നതിനെച്ചൊല്ലി വാക്കുതർക്കമുണ്ടായി. ശാന്ത ഉണ്ടാക്കിയ ചായ രജില എടുത്തുകളഞ്ഞതാണ് പെട്ടെന്നുള്ള പ്രകോപനത്തിന് കാരണമായത്. തുടർന്ന് അരിവാൾ ഉപയോഗിച്ച് ശാന്ത രജിലയെ ക്രൂരമായി വെട്ടുകയായിരുന്നു. രജിലയുടെ പത്തും നാലും വയസ്സുള്ള പെൺകുട്ടികളുടെ മുന്നിൽ വെച്ചായിരുന്നു ഈ അരുംകൊല.