സ്ഥലം മാറി പോകുന്ന തിരൂർ പോലീസ് സ്റ്റേഷൻ SHO ക്ക് യാത്രയയപ്പ് നൽകി

തിരൂർ :
തിരൂർ പോലീസ് സ്റ്റേഷനിൽ നിന്നും ഷൊർണ്ണൂർ പോലീസ് സ്റ്റേഷനിലേക്ക് സ്ഥലം മാറി പോകുന്ന SHO യായ R വിഷ്ണുവിന് സ്റ്റേഷനിൽ വെച്ച് സഹ പ്രവർത്തകർ യാത്രയയപ്പ് നൽകുകയുണ്ടായി. ചടങ്ങിൽ സബ് ഇൻസ്പെക്ടർ വൈശാഖിൻ്റെ അധ്യക്ഷതയിൽ ചേർന്ന യോഗത്തിൽ സബ് ഇൻസ്പെക്ടർ നസീർ തിരൂർക്കാട് സ്വാഗത പ്രസംഗം നടത്തുകയും തിരൂർ DYSP യായ AM സിദ്ധീഖ് ഉദ്ഘാടനം ചെയ്യുകയും ഉപഹാരം സമർപ്പിക്കുകയും ചെയ്തു. യോഗത്തിൽ Si ക്ലീറ്റസ്, കൂടാതെ പോലീസ് ഉദ്യോഗസ്ഥരായ അരുൺ, ബിജോ വർഗ്ഗീസ്, മുഹമ്മദ് ഷംസാദ് എന്നിവർ ആശംസാ പ്രസംഗം നടത്തുകയും സ്റ്റേഷൻ റൈറ്റർ വിജേഷ് നന്ദി പ്രസംഗം നടത്തുകയും ചെയ്തു. ചുരുങ്ങിയ കാലം തിരൂർ സ്റ്റേഷനിൽ ജോലി ചെയ്ത സമയം തദ്ദേശ വകുപ്പ് ഇലക്ഷനുമായി ബന്ധപ്പെട്ട് തീരദേശ മേഖലയിൽ യാതൊരു കേസുകൾ ഇല്ലാതെ ഭംഗിയായി നടന്നതിലും കൂടാതെ BP അങ്ങാടി നേർച്ച, കുംഭമേള , വൈരംങ്കോട് ഉൽസവം എന്നിവ ഭംഗിയായി നടന്നതിൽ സഹപ്രവർത്തകരോട് SHO മറുപടി പ്രസംഗത്തിൽ നന്ദി പറയുകയുണ്ടായി. തുടർന്ന് സ്റ്റേഷനിൽ ഇഫ്ത്താർ വിരുന്നും സംഘടിപ്പിക്കുകയുണ്ടായി.