SDPI ഡിമാൻഡ് മാർച്ച് സംഘടിപ്പിച്ചു

തിരൂർ: മലപ്പുറത്തിന്റെ കുതിപ്പിന് വേണ്ടി തിരൂർ ആസ്ഥാനമായി പുതിയൊരു ജില്ല രൂപീകരിക്കുക എന്ന മുദ്രാവാക്യം ഉയർത്തിപ്പിടിച്ച്
എസ് ഡി പി ഐ മലപ്പുറം ജില്ലാ കമ്മിറ്റി 2026 ഫെബ്രുവരി ഒന്നു മുതൽ മാർച്ച് 31 വരെ ജില്ലയിൽ നടത്തുന്ന ക്യാമ്പയിന്റെ ഭാഗമായി എസ്ഡിപിഐ തിരൂർ മണ്ഡലം കമ്മിറ്റി പുത്തനത്താണിയിൽ ഡിമാൻഡ് മാർച്ച് സംഘടിപ്പിച്ചു. കുട്ടികളത്താണിയിൽ നിന്നും തുടങ്ങിയ മാർച്ച് നഗരം ചുറ്റി പുത്തനത്താണി ജംഗ്ഷനിൽ സമാപിച്ചു. സമാപന പൊതുയോഗം എസ്ഡിപിഐ മലപ്പുറം ജില്ലാ പ്രസിഡണ്ട്‌ അൻവർ പഴഞ്ഞി ഉദ്ഘാടനം ചെയ്ത് സംസാരിച്ചു. മലപ്പുറം ജില്ല ഒഴികെ മറ്റ് എല്ലാ ജില്ലകളിലും ഉപരി പഠനത്തിന് സീറ്റുകൾ ഒഴിഞ്ഞു കിടക്കുമ്പോൾ നമ്മുടെ മലപ്പുറത്തെ കുട്ടികൾക്ക് മാത്രം ഉപരിപഠനത്തിന് ഒരു സീറ്റ് പോലും ഇല്ലാത്ത അവസ്ഥയാണ് മലപ്പുറം ജില്ലയിലെ കുട്ടികൾ അനുഭവിച്ചുകൊണ്ടിരിക്കുന്നതെന്ന് ഉദ്ഘാടന പ്രസംഗത്തിൽ അൻവർ പഴഞ്ഞി ഓർമ്മപ്പെടുത്തി.
അൻപതു ലക്ഷം പേർ താമസിക്കുന്ന ഈ മലപ്പുറത്ത് മലപ്പുറത്തിന്റെ വികസനത്തിനു വേണ്ടി ഇവിടെത്തെ ജനങ്ങൾ സംസാരിച്ചുകൊണ്ടിരിക്കുമ്പോൾ മുഖ്യധാര രാഷ്ട്രീയപാർട്ടികൾക്ക് അത് വിഘടന വാദവും, വർഗീയതയും ആയിട്ടാണ് കാണാൻ കഴിയുന്നതെന്നും മലപ്പുറത്തെ വിഭജിച്ച് തിരൂർ ആസ്ഥാനമായി പുതിയ ജില്ല രൂപീകരിക്കുന്നത് വരെ എസ് എസ് ഡി പി ഐ എന്ന പ്രസ്ഥാനം തെരുവിൽ ഉണ്ടാകുമെന്നും ജില്ലാ പ്രസിഡണ്ട്‌ സൂചിപ്പിച്ചു. ജില്ലാ വിഭജനത്തിന്റെ ആവശ്യതകയെ കുറിച്ചു കൊണ്ട് എസ് ഡി പി ഐ മലപ്പുറം ജില്ലാ സെക്രെട്ടറി മുസ്തഫ മാസ്റ്റർ മലപ്പുറം ജില്ല വിഭജനത്തിന്റെ ആവശ്യകതയെ കുറിച്ചു വിശദീകരണം നടത്തി. നൗഷാദ് എടക്കുളം, വിമൺ ഇന്ത്യ മൂവ് മെന്റ് സംസ്ഥാന ഡെക്രെട്ടറി റഹിയാനത്ത് സുധീർ, എൻ. പി ഷെരീഫ് എന്നിവർ സംസാരിച്ചു. കമ്മിറ്റി അംഗം . മണ്ഡലം പ്രസിഡണ്ട് നിസാർ അഹമ്മദ് അധ്യക്ഷ വഹിച്ച പൊതുയോഗത്തിനു മണ്ഡലം സെക്രെട്ടറി കെ സി സെമീർ സ്വാകതവും, മണ്ഡലം ട്രഷറർ എ. പി.ഹംസ നന്ദിയും പറഞ്ഞു.
കുഞ്ഞാറുമുട്ടിഹാജി, അഷ്റഫ് പുത്തനത്താണി, സഹീർ വളവന്നൂർ, അബ്ദുസ്സലാം,മുബാറക്, ഇബ്രാഹിം കുട്ടി,നൗഷാദ് കണ്ണം കുളം എന്നിവർ എന്നിവർ മാർച്ചിന് നേതൃത്വം നൽകി.