ആഴ്ചയില്‍ അഞ്ചുദിവസത്തെ പ്രവൃത്തിദിനം നടപ്പാക്കണം, ചൊവ്വാഴ്ച (നാളെ) ബാങ്ക് ജീവനക്കാരുടെ അഖിലേന്ത്യാ പണിമുടക്ക്

ന്യൂഡല്‍ഹി. ആഴ്ചയില്‍ അഞ്ചുദിവസത്തെ പ്രവൃത്തിദിനം നടപ്പാക്കണമെന്ന ആവശ്യവുമായി ഓള്‍ ഇന്ത്യ ബാങ്ക് എംപ്ലോയീസ് യൂണിയൻ (യുഎഫ്ബിയു) ജനുവരി 27 ന് (നാളെ) രാജ്യവ്യാപകമായുള്ള സമരത്തിന് ആഹ്വാനം ചെയ്തു.

24-ന് നാലാം ശനിയും 25-ന് ഞായറാഴ്ചയും 26-ന് റിപ്പബ്ലിക് ദിനവും കാരണം അവധിയാണ്.

27-ന്റെ പണിമുടക്ക് കൂടി വരുന്നതോടെ തുടർച്ചയായ നാലു ദിവസത്തെ ബാങ്കിങ് പ്രവർത്തനങ്ങളെ ബാധിക്കും.ചീഫ് ലേബർ കമ്മിഷണറുമായുള്ള ജനുവരി 23-ലെ അനുരഞ്ജന ചർച്ച പരാജയപ്പെട്ടതിനെത്തുടർന്നാണ് ഒൻപത് യൂണിയനുകളുടെ കൂട്ടായ്മയായ യുഎഫ്ബിയുവിന്റെ 27 ലെ സമരം.

വിശദമായ ചർച്ച നടന്നെങ്കിലും തങ്ങളുയർത്തിയ ആവശ്യത്തെക്കുറിച്ച്‌ ഉറപ്പ് ലഭിച്ചില്ലെന്ന് അധികൃതർ അറിയിച്ചു. അതുകൊണ്ടാണ് സമരമെന്നും അവർ വ്യക്തമാക്കി. തങ്ങളുടെ യഥാർഥ ആവശ്യത്തോട് സർക്കാർ പ്രതികരിക്കാത്തത് നിർഭാഗ്യകരമാണെന്നും അധികൃതർ അറിയിച്ചു.