പാക് ഫെയർനെസ് ക്രീമുകളിൽ അമിത ഘനലോഹം: 'ഗോറി', 'ചാന്ദ്നി' ക്രീമുകൾക്കെതിരെ കേന്ദ്രത്തിന്റെ ആരോഗ്യ മുന്നറിയിപ്പ്

അനുവദനീയമായ അളവിലും കൂടുതൽ ഘനലോഹങ്ങളുടെ സാന്നിധ്യം കണ്ടെത്തിയതിനെ തുടർന്ന് പാകിസ്താനിൽ നിർമിച്ച രണ്ട് പ്രമുഖ ഫെയർനെസ് ക്രീമുകൾക്കെതിരെ രാജ്യവ്യാപക ആരോഗ്യ മുന്നറിയിപ്പുമായി കേന്ദ്ര സർക്കാർ രംഗത്ത് . 'ഗോറി ബ്യൂട്ടി ക്രീം', 'ചാന്ദ്നി വൈറ്റനിങ് ക്രീം' എന്നീ ഉൽപ്പന്നങ്ങൾക്കെതിരെയാണ് കേന്ദ്ര ഡ്രഗ്സ് സ്റ്റാൻഡേർഡ് കൺട്രോൾ ഓർഗനൈസേഷൻ (സി.ഡി.എസ്.സി.ഒ) ജാഗ്രതാ നിർദേശം പുറപ്പെടുവിച്ചിരിക്കുന്നത് . ഇക്കഴിഞ്ഞ സെപ്റ്റംബർ എട്ടിനാണ് സി.ഡി.എസ്.സി.ഒ ഇതുസംബന്ധിച്ച അറിയിപ്പ് നൽകിയിരിക്കുന്നത് . ഈ ഫെയർനെസ് ക്രീമുകളിൽ അനധികൃതമായ സൗന്ദര്യവർധക വസ്തുക്കൾ അടങ്ങിയിട്ടുണ്ടെന്ന് പരിശോധനയിൽ വ്യക്തമായത്. കൂടാതെ, ഇന്ത്യയിൽ വിൽപന നടത്തുന്നതിന് ആവശ്യമായ ഇറക്കുമതി രജിസ്ട്രേഷൻ സർട്ടിഫിക്കറ്റുകൾ ഇല്ലാതെയാണ് ഇവ വിപണിയിലെത്തിച്ചിട്ടുള്ളതെന്നും അധികൃതർ ചൂണ്ടിക്കാട്ടുന്നത്! !