മലപ്പുറം ജില്ല അസിസ്റ്റന്റ് കലക്ടറായി(അസിസ്റ്റന്റ് ജില്ലാ മജിസ്ട്രേറ്റ്) നിയമിതനായ പി.ഒ. സാദിഖിന് കെ.ഡി.എഫ് ആദരം

തിരൂരങ്ങാടി: മലപ്പുറം ജില്ല അസിസ്റ്റന്റ് കലക്ടറായി (അസിസ്റ്റന്റ് ജില്ലാ മജിസ്ട്രേറ്റ്) നിയമിതനായ പി.ഒ. സാദിഖിന് കേരള ഡെവലപ്മെന്റ് ഫോറം (കെ.ഡി.എഫ്) ആദരവ് നൽകി.

പൊതുസേവന രംഗത്തെ ശ്രദ്ധേയമായ പ്രവർത്തനങ്ങളും ഉത്തരവാദിത്തപരമായ ഔദ്യോഗിക സേവനവും പരിഗണിച്ചാണ് കെ.ഡി.എഫിന്റെ നേതൃത്വത്തിൽ ആദരവ് സംഘടിപ്പിച്ചത്. സംഘടനയുടെ സംസ്ഥാന ജനറൽ സെക്രട്ടറി അബ്ദുൽ റഹീം പൂക്കത്ത്, പി.പി. സുബൈർ ആനങ്ങാടി, ഷൈനി പട്ടാളത്തിൽ എന്നിവർ ചേർന്ന് പി.ഒ. സാദിഖിനെ അദ്ദേഹത്തിന്റെ ചേമ്പറിൽ നേരിട്ട് പോയി ആദരിച്ചു.

സാമൂഹികവും - സാംസ്കാരികവും - ഭരണപരവുമായ മേഖലകളിൽ മലപ്പുറത്തിന് മാതൃകാപരമായ മാറ്റങ്ങളാണ് പി.ഒ. സാദിഖിന്റെ പുതിയ ഉത്തരവാദിത്തമെന്ന് ജനങ്ങൾ പ്രതീക്ഷിക്കുന്നത് എന്ന് കെ.ഡി.എഫ് ഭാരവാഹികൾ അഭിപ്രായപ്പെട്ടു.

പുതിയ പദവിയിൽ ജനോപകാരപ്രദമായ മികച്ച സേവനം കാഴ്ചവെക്കാൻ സാധിക്കട്ടെയെന്നും എന്നും ജനങ്ങളുടെ ഉന്നമനത്തിനായി പ്രവർത്തിക്കാൻ ഉതകട്ടെയെന്നും സംസ്ഥാന പ്രസിഡന്റ് അബ്ദുൽ അസീസ് കടലുണ്ടി ആശംസിച്ചു.

ഫോട്ടോ :- കെ ഡി എഫ് സംസ്ഥാന ഭാരവാഹികൾ മലപ്പുറം എ ഡി എം പി ഒ സാദിഖിന് ആദരവ് നൽകുന്നു