ഇറക്കത്തിൽ സ്കൂട്ടർ നിയന്ത്രണം നഷ്ടപ്പെട്ട് പറമ്പിലേക്ക് പാഞ്ഞുകയറി അപകടം; 19 കാരന് ദാരുണാന്ത്യം

കുറ്റിപ്പുറം: കുറ്റിപ്പുറത്ത് ഉണ്ടായ വാഹനാപകടത്തിൽ പുറത്തൂർ തൃത്തല്ലൂർ സ്വദേശി കൂളത്ത് റസാക്കിന്റെ മകൻ റിഷാൽ (19) ആണ് മരണപ്പെട്ടത്. കൂട്ടുകാരൻ്റെ വീട്ടിലെ വിവാഹാഘോഷത്തിൽ പങ്കെടുക്കാൻ എത്തിയ യുവാക്കളാണ് കൊക്കാട് മാമ്പിപ്പടി റോഡിലെ കുത്തനെയുള്ള ഇറക്കത്തിൽ അപകടത്തിൽ പെട്ടത്. ഇന്ന് രാത്രി എട്ട് മണിയോടുകൂടിയായിരുന്നു അപകടം. അപകടം സംഭവിച്ച പരിക്കേറ്റവരെ ഉടനെ കോട്ടക്കൽ മിംസിൽ എത്തിച്ചെങ്കിലും റിഷാലിന്റെ ജീവൻ രക്ഷിക്കാനായില്ല. കൂടെയുണ്ടായിരുന്ന സുഹൃത്ത് അജ്സലിന് പരിക്കേറ്റിട്ടുണ്ട്. റിഷാലിന്റെ മാതാവ് സക്കീന. സഹോദരങ്ങൾ റിഫാന, റസൽ.