എഥനോൾ കലർത്തിയില്ലായിരുന്നെങ്കിൽ പെട്രോൾ വില 125 രൂപയായേനെ' വിമർശനങ്ങൾക്കിടെ വിശദീകരണവുമായി കേന്ദ്രം

രാജ്യത്തെ പെട്രോൾ വിലക്കയറ്റം തടഞ്ഞുനിർത്തുന്നതിൽ എഥനോൾ മിശ്രണം നിർണായക പങ്കുവഹിച്ചതായി കേന്ദ്ര പെട്രോളിയം മന്ത്രാലയം. പെട്രോളിൽ എഥനോൾ ചേർത്തത് കൊണ്ടാണ് വില വർധനവ് നിയന്ത്രിക്കാനായതെന്നും, അല്ലാത്തപക്ഷം ഡൽഹിയിൽ ഒരു ലിറ്റർ പെട്രോളിന് 125 രൂപയായി വില ഉയരുമായിരുന്നുവെന്നും പെട്രോളിയം മന്ത്രാലയത്തെ ഉദ്ധരിച്ച് ടൈംസ് ഓഫ് ഇന്ത്യ റിപ്പോർട്ട് ചെയ്തിരിക്കുന്നത്.

'ആഗോള വിപണിയിൽ ക്രൂഡ് ഓയിൽ വില ബാരലിന് 135 ഡോളർ വരെ ഉയർന്ന സമയത്ത്, എഥനോൾ മിശ്രണം ഇല്ലായിരുന്നെങ്കിൽ ഡൽഹിയിൽ പെട്രോൾ വില ലിറ്ററിന് 125 രൂപ വരെ എത്തുമായിരുന്നത് . എന്നാൽ എഥനോൾ ചേർത്ത പെട്രോൾ ഉപയോഗിച്ചതിലൂടെ ഉപഭോക്താക്കൾക്ക് ലിറ്ററിന് ഏകദേശം 30 രൂപയുടെ ലാഭം ലഭിക്കുകയും 94.77 രൂപയ്ക്ക് പെട്രോൾ ലഭ്യമാവുകയും ചെയ്‌തു' എന്ന് മന്ത്രാലയം വ്യക്തമാക്കിയിരിക്കുന്നത്.