മരണക്കയത്തിൽ നിന്ന് മാലാഖയെപ്പോലെ; മാഞ്ഞാലിപ്പുഴയിലേക്ക് ജീവൻ പണയം വച്ച് ചാടി ബസ് ഡ്രൈവർ അജേഷ്, വിദ്യാർഥിനിക്ക് പുതുജീവൻ!

മാഞ്ഞാലിപ്പുഴയിൽ ചാടി ആത്മഹത്യയ്ക്ക് ശ്രമിച്ച വിദ്യാർഥിനിക്ക് സ്വന്തം ജീവൻ പണയം വച്ച് പുതുജീവൻ നൽകി ബസ് ഡ്രൈവർ. അങ്കമാലി-പറവൂർ റൂട്ടിൽ സർവീസ് നടത്തുന്ന ‘എക്സിക്യൂട്ടീവ്’ ബസിലെ ഡ്രൈവറും കുന്നുകര ചാലാക്ക സ്വദേശിയുമായ അജേഷാണ് ധീരമായ രക്ഷാപ്രവർത്തനം നടത്തിയിരിക്കുന്നത് . നീറ്റ് പരീക്ഷയിൽ മാർക്ക് കുറഞ്ഞതിനെ തുടർന്ന് വിദ്യാർഥിനി പുഴയിൽ ചാടുകയായിരുന്നു എന്നാണ് റിപ്പോർട്ടുകൾ വരുന്നത്.

വെള്ളിയാഴ്ച ഉച്ചയ്ക്ക് 12.15-ഓടെയായിരുന്നു സംഭവം. ഉണ്ടായത് പറവൂരിൽ നിന്ന് അങ്കമാലിയിലേക്ക് ബസുമായി വരുമ്പോൾ മാഞ്ഞാലിപ്പുഴ പാലത്തിൽ വലിയ ആൾക്കൂട്ടം കണ്ട് അജേഷ് വണ്ടി നിർത്തുകയായിരുന്നു.മഴക്കാലമായതിനാൽ പുഴയിൽ ശക്തമായ അടിയൊഴുക്കുള്ള സമയത്താണ് കുട്ടി മുങ്ങിത്താഴുന്നത് അജേഷിന്റെ ശ്രദ്ധയിൽപ്പെട്ടിരുന്നത് . മറ്റൊന്നും ആലോചിക്കാതെ പാലത്തിന്റെ കൈവരിയിൽ കയറി അജേഷ് ആഴമുള്ള പുഴയിലേക്ക് ചാടുകയായിരുന്നു.