പാലക്കാട്ട് രണ്ട് കിലോഗ്രാം കഞ്ചാവുമായി പിടിയിലായ പ്രതിക്ക് ഒരു വർഷം കഠിനതടവും ഒരു ലക്ഷം രൂപയും കോടതി ശിക്ഷ വിധിച്ചു.

തമിഴ്നാട് സ്വദേശിനി റാണി(44 വയസ്സ്)യെയാണ് കോടതി ശിക്ഷിച്ചത്.
2018 ഡിസംബർ 15ന് പാലക്കാട് എക്സൈസ് സ്പെഷ്യൽ സ്ക്വാഡ് ഇൻസ്പെക്ടർ രാജീവ്.ടി യും സംഘവും ചേർന്നാണ് ഇവരിൽ നിന്നും കഞ്ചാവ് പിടിച്ചെടുത്തത്. തുടർന്ന് എക്സൈസ് സർക്കിൾ ഇൻസ്പെക്ടർ എം.രാകേഷ് അന്വേഷണം നടത്തി കോടതിയിൽ കുറ്റപത്രം സമർപ്പിച്ചു. ബഹുമാനപ്പെട്ട പാലക്കാട് സെക്കൻഡ് അഡീഷണൽ സെഷൻസ് കോടതി ജഡ്ജ് ശ്രീ ഡി.സുധീർ ഡേവിഡ് ആണ് പ്രതിക്കുള്ള ശിക്ഷ വിധിച്ചത്. പ്രോസിക്യൂഷന് വേണ്ടി എൻ.ഡി.പി.എസ് സ്പെഷ്യൽ പബ്ലിക് പ്രോസിക്യൂട്ടർ ശ്രീനാഥ് വേണു ഹാജരായി.