പോലീസ് സ്റ്റേഷനിൽ മദ്യ സൽക്കാരം!!!!!!!

തൃശൂർ ചേലക്കര പൊലീസ് സ്റ്റേഷനിൽ ഡ്യൂട്ടിക്കിടെ മദ്യസൽക്കാരം നടത്തിയ മൂന്ന് പൊലീസ് ഉദ്യോഗസ്ഥരെയാണ് വടക്കാഞ്ചേരി സിഐയുടെ നേതൃത്വത്തിലുള്ള പൊലീസ് സംഘം കയ്യോടെ പിടികൂടിയത്. തൃശൂർ സിറ്റി പൊലീസ് കമ്മീഷണർക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു ഈ അപ്രതീക്ഷിത പരിശോധന
മദ്യപിച്ചതായി കണ്ടെത്തിയവരിൽ ഒരു ഗ്രേഡ് എസ്ഐയും രണ്ട് സിവിൽ പൊലീസ് ഉദ്യോഗസ്ഥരും ഉൾപ്പെടുന്നു.
വ്യാഴാഴ്ച രാത്രി 11 മണിയോടെയാണ് വടക്കാഞ്ചേരി സിഐയും സംഘവും ചേലക്കര സ്റ്റേഷനിലെത്തി ഇവരെ പിടികൂടിയത്.കുറ്റക്കാരായ ഉദ്യോഗസ്ഥർക്കെതിരെ നടപടിയെടുക്കുന്നതിന്റെ ഭാഗമായി കുന്നംകുളം എസിപി, സിറ്റി പൊലീസ് കമ്മീഷണർക്ക് റിപ്പോർട്ട് സമർപ്പിച്ചിട്ടുണ്ട്.