കേരളത്തിലേക്ക് കാലികൾ എത്തുന്നില്ല ഇറച്ചിക്കടകൾ 6നും 7നും അടച്ചിടും

കേരളത്തിൽ ആവശ്യത്തിനുള്ള കാലികൾ മറ്റു സംസ്ഥാനങ്ങളിൽ നിന്ന് എത്താത്തത് കാരണം ഒട്ടേറെ ജില്ലകളിൽ ഇറച്ചികടകൾ 6,7 തീയതികളിൽ അടച്ചിടുമെന്ന് മീറ്റ് ഇൻഡസ്ട്രീസ് വെൽഫയർ അസോസിയേഷൻ അറിയിച്ചിരിക്കുന്നു . പത്തനംതിട്ട, കോട്ടയം, ഇടുക്കി, ആലപ്പുഴ എന്നീ ജില്ലകളിലാണ് ഇറച്ചിക്കടകൾ അടച്ചിടുന്നത്. കേരളത്തിൽ ഇറച്ചി ആവശ്യത്തിനുള്ള കന്നുകാലികൾ കൂടുതലും അന്യസംസ്ഥാനങ്ങളിൽ നിന്നാണ് എത്തിയിരുന്നത് . കാലികളെ വാഹനത്തിൽ കൊണ്ടുവരുമ്പോൾ ഗോ രക്ഷകരും മറ്റും അനധികൃതമായി ജപ്തി ചെയ്യുന്നുട്ട് . ബലിപെരുന്നാളിന് മുന്നോടിയായി രാജ്യവ്യാപകമായി ഇത് വളരെ കൂടിയിട്ടുണ്ട്. ഇന്ത്യയിൽ ഏറ്റവും കൂടുതൽ ബീഫ് ഉപയോഗിക്കുന്ന സംസ്ഥാനമാണ് കേരളം.

ഗുണ്ടാ മാഫിയകളുടെ നിയന്ത്രണത്തിലുള്ള കാലികൾക്ക് മാത്രമാണ് തടസ്സമില്ലാതെ ഗതാഗതം സാധ്യമാകുന്നുള്ളത് . ഇതിനിടയിൽ ഭീഷണിപ്പെടുത്തി വൻതുകകൾ ആവശ്യപ്പെട്ടും വാഹനങ്ങളെ കടത്തിവിടുന്നതായി വിവരമുണ്ട്. ഇതോടെ കേരളത്തിലെ ഇറച്ചി വ്യാപാരം പ്രതിസന്ധിയിലാകുമോ എന്ന ആശങ്കയിലാണ് ചില്ലറ വിൽപ്പനക്കാർ.