പാലക്കാട് കോട്ടപ്പുറത്ത് പ്ലാവിൽ നിന്നും വീണ് ഒരാൾ മരിച്ചു

21.5.2026

പാലക്കാട്: പ്ലാവിൽ നിന്നും വീണ് പരിക്കേറ്റ് ചികിത്സയിലായിരുന്ന കോട്ടപ്പുറം സ്വദേശി മരണപ്പെട്ടു. കോട്ടപ്പുറം കൂടംതൊടി സ്വദേശിയാണ് മരിച്ചതെന്നാണ് പ്രാഥമിക വിവരം.

വീട്ടിലെ പ്ലാവിൽ ചക്കയിടാൻ കയറിയപ്പോൾ തെന്നി വീഴുകയായിരുന്നു. വീഴ്ചയിൽ താഴെയുണ്ടായിരുന്ന കല്ലിൽ തലയിടിച്ചാണ് ഗുരുതരമായി പരിക്കേറ്റത്. ഉടൻ തന്നെ മണ്ണാർക്കാട് വട്ടമ്പലം മദർകെയർ ഹോസ്പിറ്റലിൽ എത്തിച്ചെങ്കിലും ജീവൻ രക്ഷിക്കാനായില്ല. കൂടുതൽ വിവരങ്ങൾ ലഭ്യമായി വരുന്നതേയുള്ളൂ.


സുരേഷ് കൂടാംതൊടി, KSEBയിലെ കരാർ തൊഴിലാളിയായി പോയിരുന്ന ആളാണ് മരണപെട്ടത്