ഖാർഗെയുടെ ചെരിപ്പ് സ്വന്തം കൈകൊണ്ട് എടുത്തു കൊടുത്ത് രാഹുൽ

രാജ്യത്തെ രാഷ്ട്രീയ നേതാക്കളുടെ ഇടയിൽ എന്നും വിനയത്തിന്റെയും ലാളിത്യത്തിന്റെയും ഉദാഹരണമാണ് കോൺഗ്രസ് നേതാവ് രാഹുൽ ഗാന്ധി. രാഹുലിന്റെ അത്തരമൊരു ഇടപെടലാണിപ്പോൾ സോഷ്യൽ മീഡിയയിൽ വൈറലായിരിക്കുന്നത്. എ.ഐ.സി.സി അധ്യക്ഷൻ മല്ലികാർജുൻ ഖാർഗെയുടെ ചെരിപ്പ് രാഹുൽ ഗാന്ധി തന്റെ കൈകൾ കൊണ്ട് എടുത്തുകൊടുക്കുന്ന ദൃശ്യങ്ങളാണ് ഇപ്പോൾ സോഷ്യൽ മീഡിയ ഏറ്റെടുത്തുകൊണ്ടിരിക്കുന്നത്.

ഇന്ന് ഡൽഹിയിലെ വസതിയിൽ വച്ചാണു ഹൃദയം കവർന്ന സംഭവം നടന്നത്. ഖാർഗെയെ പുറത്തു കാത്തുനിൽക്കുകയായിരുന്നു രാഹുൽ. ഇതിനിടെ പുറത്തെത്തിയ ഖാർഗെ ചെരിപ്പ് കാലിൽ ധരിക്കാൻ വിഷമിക്കുന്നത് കണ്ട രാഹുൽ അടുത്ത് ചെന്ന് ശരിയാക്കിക്കൊടുത്തു .

അവിടെയുണ്ടായിരുന്ന സുരക്ഷാ ജീവനക്കാരൻ തന്റെ കാൽ ഉപയോഗിച്ച് ആ ചെരുപ്പ് ഖാർഗെയുടെ അടുത്തേക്ക് നീക്കാൻ ശ്രമിച്ചത്. ഇത് ശ്രദ്ധയിൽപ്പെട്ട രാഹുൽ ഗാന്ധി ഒട്ടും മടിക്കാതെ ഉടൻ തന്നെ താഴേക്ക് കുനിഞ്ഞ് ആ ചെരുപ്പുകൾ തന്റെ കൈകൾ കൊണ്ട് എടുത്ത് ഖാർഗെക്ക് സൗകര്യപ്രദമായ രീതിയിൽ അദ്ദേഹത്തിന്റെ പാദങ്ങൾക്ക് മുന്നിൽ വെച്ചുകൊടുക്കുകയായിരുന്നു.

സാധാരണയായി വിഐപി സംസ്‌കാരത്തിൽ മറ്റുള്ളവരുടെ ചെരുപ്പുകൾ തൊടാൻ നേതാക്കൾ മടിക്കാറുള്ളപ്പോഴാണ്, രാജ്യത്തെ പ്രധാന പ്രതിപക്ഷ നേതാവായ രാഹുൽ ഗാന്ധി ഈ ലാളിത്യം പ്രകടിപ്പിച്ചത്. ഏതായാലും വീഡിയോ സോഷ്യൽ മീഡിയയിൽ തരംഗമായിരിക്കുകയാണിപ്പോൾ. 'ഇതാണ് യഥാർത്ഥ സംസ്‌കാരം' എന്ന രീതിയിലുള്ള പ്രതികരണങ്ങളാണ് വീഡിയോക്ക് താഴെ വരുന്നത്. രാഷ്ട്രീയത്തിന് അതീതമായി മുതിർന്നവരോടുള്ള ബഹുമാനമാണ് രാഹുൽ ഉയർത്തിപ്പിടിച്ചതെന്ന് ആളുകൾ ചൂണ്ടിക്കാട്ടുന്നതു. കേവലം സെക്കൻഡുകൾ മാത്രം ദൈർഘ്യമുള്ള ഈ വീഡിയോ ഇതിനകം തന്നെ ലക്ഷക്കണക്കിന് ആളുകളാണ് കണ്ടുകഴിഞ്ഞത്.