*ഗാര്‍ഹിക പാചകവാതക പ്രതിസന്ധി രൂക്ഷം; സിലിണ്ടറിന് 50 രൂപ വരെ വര്‍ദ്ധിച്ചേക്കാം*

ന്യൂഡല്‍ഹി: പശ്ചിമേഷ്യന്‍ യുദ്ധ സാഹചര്യം നിലനില്‍ക്കെ രാജ്യത്ത് പാചകവാതക പ്രതിസന്ധി രൂക്ഷമായി കൊണ്ടുയിരിക്കുകയുണ് . വാണിജ്യ പാതകവാതകത്തിനു പുറമെ ഇപ്പോള്‍ ഗാര്‍ഹിക പാതകവാതകത്തിനും ക്ഷാമം ഉയര്‍ന്നിരിക്കുകയാണ്. ഈ സാഹചര്യത്തില്‍ രാജ്യത്ത് ഇന്ധന, പാചകവാതക വില ഒരാഴ്ചക്കകം കുത്തനെ വര്‍ധിച്ചേക്കുമെന്നാണ് സൂചന. ഗാര്‍ഹിക ആവശ്യങ്ങള്‍ക്കുള്ള പാചകവാതക സിലിണ്ടറിന് 40 മുതല്‍ 50 രൂപ വരെയാണ് ഒറ്റയടിക്ക് കൂടുകയാണ്. പെട്രോള്‍, ഡീസല്‍ വിലയിലും ഉയര്‍ന്ന തോതിലുള്ള വര്‍ധനയാണ് പ്രതീക്ഷിക്കുന്നത്. അന്താരാഷ്ട്ര വിപണിയില്‍ ക്രൂഡ് ഓയില്‍ വിലയിലുണ്ടായ വ്യതിയാനമാണ് നിരക്ക് ഉയര്‍ത്താന്‍ പ്രധാനമായും എണ്ണക്കമ്പനികളെ പ്രേരിപ്പിച്ചത് . നേരത്തെ തെരഞ്ഞെടുപ്പ് കാലത്ത് ഇന്ധന വിലയില്‍ മാറ്റം വരുത്താന്‍ കമ്പനികള്‍ തയാറായിരുന്നില്ല. ഇക്കാലയളവില്‍ ഉണ്ടായ വന്‍ നഷ്ടം നികത്താനാണ് ഇപ്പോള്‍ ഒറ്റയടിക്ക് വില കൂട്ടാന്‍ ഒരുങ്ങുന്നത് എന്നാണ് പുറത്തുവരുന്ന സൂചന. വരും ദിവസങ്ങളില്‍ തന്നെ ഇതുസംബന്ധിച്ച ഔദ്യോഗിക പ്രഖ്യാപനം ഉണ്ടാകും.