ബ്രേക്ക്‌ത്രൂ സയൻസ് സൊസൈറ്റി കുട്ടികളുടെ പ്രസ്ഥാനമായ പ്രചോദനയുമായി സഹകരിച്ചുകൊണ്ട് ശാസ്ത്രസായാഹ്നം സംഘടിപ്പിച്ചു.

തിരൂർ

വസ്‌തുപ്രപഞ്ചത്തെ അടുത്തറിയുവാൻ ശാസ്‌ത്രത്തെ കൂട്ടുപിടിക്കേണ്ടത് എങ്ങനെയെന്ന് വിദ്യാർത്ഥികൾക്ക് പരിചയപ്പെടുത്തിക്കൊണ്ട് ബ്രേക്ക്ത്രൂ സയൻസ് സൊസൈറ്റിയും പ്രചോദന എന്ന കുട്ടികളുടെ പ്രസ്ഥാനവും ചേർന്ന് ശാസ്‌ത്രസായാഹ്നം സംഘടിപ്പിച്ചു. തിരൂർ പി പി എൻ എം യു പി സ്കൂളിൽ വെച്ചുനടന്ന ശാസ്‌ത്രസായാഹ്നം ബ്രേക്ക്‌ത്രൂ സയൻസ് സൊസൈറ്റി സംസ്ഥാന വൈസ് പ്രസിഡൻ്റ് ഡോ.പി.എസ്. ബാബു ഉദ്ഘാടനംചെയ്തു.
വിവിധതരത്തിലുള്ള ടെലിസ്ക്കോസപ്പുകൾ പരിചയപ്പെടുകയും ടെലിസ്ക്കോപ്പു നിർമ്മാണ പരിശീലനത്തിൽ കുട്ടികൾ ടെലിസ്‌ക്കോപ്പുകൾ സ്വയം നിർമ്മിക്കുകയും ചെയ്തു.

പരീക്ഷണങ്ങളിലൂടെ ശാസ്ത്രപഠനം, വാനനിരീക്ഷണത്തിൻ്റെ അടിസ്ഥാന പാഠങ്ങൾ എന്നീ സെഷനുകളും നടന്നു. തുടർന്ന് ടെലസ്‌കോപ്പിലൂടെ വാനനിരീക്ഷണവും നടന്നു. ശാസ്‌ത്രസായാഹ്നത്തിന് ആർ.സുനിത, രവി എം കൃഷ്‌ണൻ, നന്ദഗോപൻ വെള്ളത്താടി, ടി ടി വാസുദേവൻ, പി കെ പ്രഭാഷ്, ഡോ. എസ്.അലീന, ദേവശങ്കർ എ, അഡ്വ. ഗോവിന്ദ് ശശി എന്നിവർ നേതൃത്വം നൽകി.