ഇത്തവണ വെടിക്കെട്ടില്ല ആഡംബരങ്ങളും ഇല്ല സർക്കാർ പറയുന്നത് അനുസരിക്കും തിരുവമ്പാടി ദേവസ്വം ബോർഡ് സെക്രട്ടറി അറിയിച്ചു

ദാരുണമായ സ്ഫോടനത്തിന്റെ പശ്ചാത്തലത്തിൽ ഇത്തവണത്തെ തൃശ്ശൂർ പൂരം വെടിക്കെട്ടും മറ്റ് ആഘോഷങ്ങളും ഒഴിവാക്കാൻ തിരുവമ്പാടി ദേവസ്വം തീരുമാനിച്ചിരിക്കുന്നു . അപകടത്തിൽ മരിച്ചവരോടുള്ള ആദരസൂചകമായി ആഡംബരങ്ങൾ പൂർണമായും ഒഴിവാക്കുമെന്നും സർക്കാരിന്റെ നിർദേശങ്ങൾക്കനുസരിച്ച് മാത്രമേ മുന്നോട്ട് പോകൂ എന്നും തിരുവമ്പാടി ദേവസ്വം സെക്രട്ടറി കെ ഗിരീഷ് കുമാർ അറിയിച്ചിരിക്കുന്നു.

നിലവിൽ 14 പേർ മരിച്ച അപകടത്തിൽ ദേവസ്വം ആഘോഷ കമ്മിറ്റിയിലെ അഞ്ച് അംഗങ്ങൾക്കും പരിക്കേറ്റിരിക്കുന്നു . മരിച്ചവരുടെ കുടുംബങ്ങളെ സഹായിക്കുന്നതിനും പരിക്കേറ്റവർക്ക് മികച്ച ചികിത്സ ലഭ്യമാക്കുന്നതിനുമാണ് ഇപ്പോൾ പ്രഥമ പരിഗണനയെന്ന് ദേവസ്വം വ്യക്തമാക്കിയിരുന്നു . വെടിക്കെട്ട് പൂർണമായും ഒഴിവാക്കുന്ന കാര്യത്തിൽ പാറമേക്കാവ് ദേവസ്വവുമായും സർക്കാരുമായും കൂടിയാലോചനകൾ നടത്തിയ ശേഷം അന്തിമ തീരുമാനമെടുക്കും.