സംസ്ഥാനത്തെ ഒറ്റപ്പെട്ട ഇടങ്ങളിൽ വേനൽ മഴക്ക് സാധ്യത

കടുത്ത ചൂടിൽ വലയുന്ന കേരളത്തിന് ആശ്വാസമായി സംസ്ഥാനത്തെ ഒറ്റപ്പെട്ടയിടങ്ങളിൽ വേനൽ മഴയ്ക്ക് സാധ്യതയെന്ന് കാലാവസ്ഥാ റിപ്പോർട്ട്. എന്നാൽ ചൂട് തുടരുന്ന സാഹചര്യത്തിൽ, ഏറ്റവും ഉയർന്ന താപനില (39.8 ഡിഗ്രി സെൽഷ്യസ്) രേഖപ്പെടുത്തിയ പാലക്കാട് ജില്ലയിലെ വിദ്യാഭ്യാസ സ്ഥാപനങ്ങളിൽ ഇന്ന് മുതൽ ക്ലാസുകൾ ഓൺലൈൻ വഴി മാത്രമായിരിക്കുമെന്ന് ജില്ലാ കളക്ടർ അറിയിച്ചിരിക്കുന്നു.

കനത്ത ഉഷ്ണതരംഗത്തെത്തുടർന്ന് നിർജലീകരണം, ഉറക്കമില്ലായ്മ, തലവേദന തുടങ്ങിയ ശാരീരിക അസ്വസ്ഥതകൾ ജനങ്ങളിൽ റിപ്പോർട്ട് ചെയ്്യതിരിക്കുന്നത്. ഈ സാഹചര്യത്തിലാണ് മുൻകരുതൽ നടപടിയായി വിദ്യാലയങ്ങളുടെ പ്രവർത്തനത്തിൽ നിയന്ത്രണം ഏർപ്പെടുത്തി.