യുവ നടിയെ പീഡിപ്പിക്കാൻ ശ്രമിച്ചു .സംവിധായകൻ രഞ്ജിത്ത് അറസ്റ്റിൽ

യുവനടിയെ ലൈംഗികമായി പീഡിപ്പിക്കാൻ ശ്രമിച്ചെന്ന പരാതിയിലാണ് പ്രശസ്ത സംവിധായകൻ രഞ്ജിത്തിനെ പോലീസ് അറസ്റ്റ് ചെയ്തത് .
നടിയുടെ പരാതി നിലവിൽ രഞ്ജിത്ത് സംവിധാനം ചെയ്യുന്ന സിനിമയുടെ ലൊക്കേഷനിൽ വെച്ച് പീഡിപ്പിക്കാൻ ശ്രമിച്ചു എന്നാണ് . ഇടുക്കി എസ്.പിയുടെ നിർദ്ദേശപ്രകാരം തൊടുപുഴയിൽ വെച്ചാണ് രഞ്ജിത്തിനെ കസ്റ്റഡിയിലെടുത്തത്.

ഇദ്ദേഹത്തിനെതിരെ കേസെടുത്തിരിക്കുന്നത് .നടിയുടെ രഹസ്യമൊഴി രേഖപ്പെടുത്തിയ ശേഷം അതീവ രഹസ്യമായാണ് അറസ്റ്റ് നടപടികളിലേക്ക് പോലീസ് കടന്നത്. രഞ്ജിത്ത് സംവിധാനം ചെയ്യുന്ന ചിത്രത്തിലെ നടിയാണ് പരാതിക്കാരി. സിനിമാ സെറ്റിൽ വെച്ച് തന്നെ പീഡിപ്പിക്കാൻ ശ്രമിച്ചു എന്ന് കാട്ടി നടി ഡി.ജി.പിക്കും പ്രത്യേക അന്വേഷണ സംഘത്തിനും പരാതി നൽകുകയായിരുന്നു.

പരാതിയുടെ ഗൗരവം കണക്കിലെടുത്ത് രണ്ട് ദിവസം മുൻപ് വനിതാ പോലീസ് സ്റ്റേഷനിൽ വെച്ച് നടിയുടെ വിശദമായ മൊഴി രേഖപ്പെടുത്തിയിരുന്നു. നടിയുടെ മൊഴിയിൽ പ്രാഥമികമായി സത്യമുണ്ടെന്ന് ബോധ്യപ്പെട്ടതിനെ തുടർന്നാണ് പോലീസ് നടപടി. നിലവിൽ തൊടുപുഴ പോലീസിന്റെ കസ്റ്റഡിയിലുള്ള രഞ്ജിത്തിനെ ഉടൻ തന്നെ കൊച്ചി പോലീസിന് കൈമാറും. കൊച്ചി സിറ്റി പോലീസ് കമ്മീഷണറുടെ മേൽനോട്ടത്തിലാണ് കേസിന്റെ തുടർനടപടികൾ നടക്കുന്നത്.

സിനിമാ മേഖലയിലെ ലൈംഗികാതിക്രമങ്ങൾക്കെതിരെ ശക്തമായ പ്രതിഷേധങ്ങൾ ഉയരുന്ന സാഹചര്യത്തിൽ പ്രമുഖ സംവിധായകന്റെ അറസ്റ്റ് സിനിമാ ലോകത്ത് വലിയ ചർച്ചകൾക്ക് വഴിവെച്ചിരിക്കുകയാണ്. മുൻപും സമാനമായ ആരോപണങ്ങൾ രഞ്ജിത്തിനെതിരെ ഉയർന്നിരുന്നെങ്കിലും, നിലവിലെ കേസ് പുതിയ പരാതിയുടെ അടിസ്ഥാനത്തിലുള്ളതാണ്.