സംസ്ഥാനത്ത് എസ്എസ്എല്‍സി, പ്ലസ് വണ്‍ ഹയര്‍ സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി പരീക്ഷകള്‍ വ്യാഴാഴ്ച ആരംഭിക്കും.

തിരുവനന്തപുരം: സംസ്ഥാനത്ത് എസ്എസ്എല്‍സി, പ്ലസ് വണ്‍ ഹയര്‍ സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി പരീക്ഷകള്‍ വ്യാഴാഴ്ച ആരംഭിക്കും.

എസ്എസ്എല്‍സി: 4.18 ലക്ഷം വിദ്യാര്‍ത്ഥികളാണ് ഇത്തവണ പരീക്ഷ എഴുതുന്നത്. കേരളം, ഗള്‍ഫ്, ലക്ഷദ്വീപ് എന്നിവിടങ്ങളിലായി ആകെ 3,031 പരീക്ഷാ കേന്ദ്രങ്ങളുണ്ട്. വ്യാഴാഴ്ച ഒന്നാം ഭാഷ പാര്‍ട്ട്-1 പരീക്ഷയാണ് നടക്കുന്നത്.

പ്ലസ് വണ്‍: ഹയര്‍ സെക്കന്‍ഡറി വിഭാഗത്തില്‍ 1,984 കേന്ദ്രങ്ങളിലായി 4.11 ലക്ഷം വിദ്യാര്‍ത്ഥികളും, വൊക്കേഷണല്‍ ഹയര്‍ സെക്കന്‍ഡറി വിഭാഗത്തില്‍ 389 കേന്ദ്രങ്ങളിലായി 26,821 വിദ്യാര്‍ത്ഥികളും പരീക്ഷ എഴുതും.

പ്ലസ് ടു: പ്ലസ് ടു പരീക്ഷകള്‍ വെള്ളിയാഴ്ച ആരംഭിക്കും. ഹയര്‍ സെക്കന്‍ഡറിയില്‍ 4.57 ലക്ഷം വിദ്യാര്‍ത്ഥികളും വൊക്കേഷണല്‍ ഹയര്‍ സെക്കന്‍ഡറിയില്‍ 26,820 വിദ്യാര്‍ത്ഥികളുമാണ് പരീക്ഷയ്ക്ക് ഹാജരാകുന്നത്.

എസ്എസ്എല്‍സി ഫലം മെയ് മൂന്നാം വാരത്തോടെ പ്രസിദ്ധീകരിക്കും.
ഫലം വന്നതിന്റെ പിറ്റേദിവസം മുതല്‍ പ്ലസ് വണ്‍ പ്രവേശനം ആരംഭിക്കുകയും ജൂണ്‍ 18-ഓടെ ക്ലാസുകള്‍ തുടങ്ങുകയും ചെയ്യും

പശ്ചിമേഷ്യന്‍ രാജ്യങ്ങളിലെ അശാന്തി കണക്കിലെടുത്ത് ഗള്‍ഫ് രാജ്യങ്ങളിലെ എസ്എസ്എല്‍സി, ഹയര്‍ സെക്കന്‍ഡറി പരീക്ഷകള്‍ മാര്‍ച്ച് 7-ലേക്ക് സംസ്ഥാന സര്‍ക്കാര്‍ മാറ്റിയിട്ടുണ്ട്.