ന്യൂ ഡൽഹിയിൽ കേരളത്തിൽ നിന്നുള്ള ബിജെപി കൗൺസിലർമാരുടെ സംഘം പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തി.

മൂന്ന് ദിവസത്തെ സന്ദർശനത്തിനായി ന്യൂ ഡൽഹിയിൽ എത്തിയ കേരളത്തിൽ നിന്നുള്ള ബിജെപി കൗൺസിലർമാരുടെ സംഘം പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തി. ബിജെപി ദേശീയ അധ്യക്ഷ൯ നിതിൻ നബിൻ, കേന്ദ്ര മന്ത്രി മനോഹർ ലാൽ, മുതിർന്ന പാർട്ടി നേതാക്കൾ എന്നിവരുമായും തിരുവനന്തപുരം മേയർ വിവി രാജേഷിന്റെ നേതൃത്ത്വത്തിലുള്ള സംഘം കൂടി കാഴ്ച നടത്തുകയുണ്ടായി.കേരളത്തിന്‍റെ വികസന മുൻഗണനകളെക്കുറിച്ച് ചർച്ച ചെയ്യുന്നതിനാണ് സന്ദർശനം ലക്ഷ്യമിടുന്നത്‌ എന്ന് മേയർ വി വി രാജേഷ് പറഞ്ഞു.