ഇത് വെറും ധാരണാപത്രം, എനിക്ക് ഇഷ്ടപ്പെട്ടിട്ടില്ലേൽ വീണ്ടും ഇറാനിൽ ബോംബിടും. ഡൊണാൾഡ് ട്രംപ്

അമേരിക്കയും ഇറാനും തമ്മിലുള്ള സമാധാന കരാർ അന്തിമമായിട്ടില്ലെന്നും, ഇറാൻ മര്യാദയ്ക്ക് പെരുമാറിയില്ലെങ്കിൽ വീണ്ടും ബോംബാക്രമണം നടത്തിയിരിക്കുമെന്നും അമേരിക്കൻ പ്രസിഡന്റ് ഡൊണാൾഡ് ട്രംപ് വ്യക്തമാക്കി. ഫ്രാൻസിൽ നടക്കുന്ന ജി7 ഉച്ചകോടിക്കിടെ മാധ്യമപ്രവർത്തകരോട് സംസാരിക്കവെയാണ് ട്രംപ് ഇക്കാര്യം വ്യക്തമാക്കിയിരിക്കുന്നത് . ദിവസങ്ങൾക്ക് മുമ്പാണ് ട്രംപ് ഇറാനുമായുള്ള യുദ്ധം അവസാനിപ്പിച്ചുവെന്ന് പ്രഖ്യാപിച്ചിരിക്കുന്നത്. സമാധാന കരാറിനോട് അടുക്കുന്നതിനിടെയാണ് ഈ മലക്കം മറിച്ചിൽ. നിലവിൽ പൂർത്തിയായത് അന്തിമ കരാറല്ലെന്നും വെറും ധാരണാപത്രം മാത്രമാണെന്നുമാണ് ട്രംപിന്റെ വാദം.

ഈ കരാർ തനിക്ക് ഇഷ്ടപ്പെട്ടില്ലെങ്കിലോ അല്ലെങ്കിൽ ഇറാൻ കരാർ ലംഘിച്ചാലോ വീണ്ടും ആക്രമിക്കാൻ അമേരിക്ക മടിക്കില്ലെന്ന് ട്രംപ് ഭീഷണിപ്പെടുത്തിയിരിക്കുന്നത് . കഴിഞ്ഞ 47 വർഷമായി ഇറാൻ മോശമായാണ് പെരുമാറുന്നതെന്നും അദ്ദേഹം കുറ്റപ്പെടുത്തിയത് . വെള്ളിയാഴ്ച സ്വിറ്റ്‌സർലൻഡിൽ വെച്ച് ഇരുരാജ്യങ്ങളും തമ്മിൽ ഔദ്യോഗികമായി ഈ ധാരണാപത്രത്തിൽ ഒപ്പുവെക്കാൻ ഇരിക്കെയാണ് ട്രംപിൽ നിന്നും ഇത്തരമൊരു പ്രതികരണം ഉണ്ടായത്.